星晨旅遊 - 韓國團

唔係呀???!!!!!!
咁都得??????
你返到香港有冇投訢呀???
貨不對版是違規的,
旅行團必須根據行程單張所寫的去安排,
少一樣都唔得,
除非所有團友都簽名同意取消,
否則可要求賠償沒去的景點地方,
領隊也有責任監督導遊工作表現和安排,
不可讓導遊(這些害群之馬)胡來!!!!!
懇請你致電提出你的保貴意見!!!!
電話:2724-3368 星晨旅遊客戶服務部 陳先生.
他是個明白事理的人,
一定會好好處理,
跟他談談吧.

我去過兩次韓國都係跟星晨又乜問題都無wo..
可能係時間問題啦, 因為我仲讀緊書, 所以係暑假同屋企人去

我第一次去的時候, 個導遊仲係韓國0個邊接待公司的高層(上過電視做韓國明星同中國影迷活動的翻譯, 由佢用國語講返d 韓國明星講乜), 係因為唔夠人臨時拉伕黎做, 但係佢做得好好, 雖然係韓國人,但係d 廣東話講得清楚

至於第二次, 個導遊係好似d 韓國的華僑咁, 佢唔單止好好的plan 好哂d 行程, 仲因為有時間剩, 私人請我地坐船去餵雀仔, 仲有帶我地去食d 地道食物, 好似食生魷魚, 大刺身餐, upgrade 左d 膳食好多, 最緊要係每人都唔係加好多錢, 點計都好過又係食0個d 野



講差, 點都唔夠我跟康泰去日本差, 參加七日團, 報的時候話夠哂人必成團, 但之後出發前三日先話成唔到, 都係暑假, 都成唔到, 之後唔俾退錢, 迫住報第二團日本團, 但係第一日十一點機出發,下午先到日本, 到左都晚餐訓覺, 第七日仲勁, 一早當地時間5 點起身, 坐七點機, 我由日本返到香港的屋企, 都仲係香港的十一點幾, 即係七日團得五日玩, 仲要係領隊導遊同一人, 一個人睇幾十個人, 有一日有人唔舒服遲左集合, 佢就話人, 到第二日佢自己夜晚蒲完遲到連對唔住都唔講, 無服務可言, 但係又收足哂兩份錢, 到走的時候佢自己就留0向日本唔跟機, 就咁dum 我地去第二團領隊度, 真係差到嘔電啦呢d, 我地仲要成日都俾佢帶去d 店舖買野, 攪到去景點的時間少之又少, 未去到佢已經話呢度無野睇ga, 我地可以唔去ga, 擺到明想hea 人啦!

2006-11-28 13:03:27 補充：
我兩次去韓國都無俾佢地導遊迫買野

我上個月差d都跟左星晨呀, 本來報左名, 跟住到出發前幾日先話成唔到團, 搞到好急咁搵左另外一間, 勁麻煩!!!!!