人生難題多?

睇法灰…自然就會灰架啦…

人生精彩在於變幻無常，但都要抱住積極的心態去面對, 日子都一樣咁過。人越大唔係問題越多，只係顧慮越多啫…我讀degree之前，搵16k一個月…讀完之後搵得10k…學識同金錢唔一定成正比，人生入面賺到的，唔一定可以用金錢量化到，讀完個degree，咪知咩係degree囉，degree人語文能力低，fresh grad果d諗法又天真，廿幾歲人仲好似住緊溫室咁囉。我相信你半工讀去完成個degree, 睇o既野仲會比人地更多，呢d咪就係你有人冇o既見識囉。

如果你真係想有錢，咁出路就唔係讀書啦，我發覺我身邊的人…有錢果個d都唔係讀得書多，成績好果d...通常成績好果d人好順其自然咁入大公司打工，反而果d讀唔上，冇得入大公司，就要靠自己, 好多時肯博肯捱就俾佢發左,,.

人生有幾難過，睇你想唔想去轉變個環境, 睇你都係廿幾歲人果d呢架啦，有時間諗d咁灰的題目，不如諗下趁後生有咩可以做下啦。

工時長, 人工唔高 < 個個香港人都係咁架啦，你都有個degree，好過好多人架啦…冇degree果d工時仲長，人工仲低


有幾多時間可以留比自己, 同自己既情人同屋企人, 朋友相處<睇你自己點分配架啫…個個香港人都話自己好忙架啦…你忙極都仲有時間上黎上網打字，咁其實只係你寧願上黎hea半個鐘都唔願意陪你d屋企人多半個鐘啦……如果你扣返上網睇無聊野，睇少套電視, 都有返d時間啦…

結左婚之後同有大把開支, 衣食住行, 如果養多個小朋友...... <未到果個階段就唔好諗咁多啦，你覺得咁大問題…但仲有咁多人結婚生仔，咁其實係個人有冇能力去處理呢d野啫…你覺得呢d野又係灰野…咪就係你仲未有能力去面對呢d現實問題囉……唔好再發夢啦，醒下啦…枉你degree都有埋...有問題就要諗方法解決....所以我好服果d成家得幾千蚊收入，仲可以餋一家大細的爸爸媽媽…可能佢地學識唔高…但肯定佢地會去面對問題…

我覺得香港呢一代人，好似仲好迷失咁.............睇餸食飯啦……朋友....自己的問題自己面對返呀!加油!

人最貴係問題解決的能力. 你d問題日日發生啦. 不是自己特別, 不必擔心啦. 人地可以一樣解決到, 自己不是差過人. 一定可以解決到. 放心. 給自己多d自信啦. 我覺得如期諗將來點煩, 不如諗下有d咩地方想去玩, 比較實際啦. 這個世界好大, 好大. 人好快就過幾十年啦, 開心過, 開心面對人生問題.

其實你可以揾社工幫幫手,
佢地可以畀到實質嘅支援,
試試....

世界上，每個人都在追求幸福快樂，有一個方法：一定可以找到快樂！那就是控制自己的思想，因為快樂與否全要靠你對事物所抱持的態度與看法而定。凡事甘心‧凡事願意‧就會凡事歡喜的了！

朋友，這問題我也苦思不下＋年，不得其解！
終於，在－些教會朋友中，一掃而空。
其精結在於，許多問題是自已對問題的誤解，自己無根據地，設題自困。
清楚、適當處理問題，才會結識快樂，是每個人應要好好學習的。

人也難免會遇到過錯折和困難. 遇到困難,不須氣餒,也不退縮.嘗試用積極的態度去面對,心情便會好轉,問題也較容易得到解決.
遇到困難的時候,我們須要家人和朋友的扶持.如果我們能夠與身邊的人分擔困擾,分響快樂,人生就會變得更美好.

其實你都好有人要....點解人生變得咁灰...至少有人關心你....我都冇啦....所以我覺得你要珍惜你現在你一切的東西...因為是上天赐給你...比起其他人已經好幸福啦...

我唸 9成9既人 (包括埋外國人), 都有你呢的煩惱 (亦都包括我)

如果, 你想生活 -比較- 如意, 我建議你同自己設定個時間表

比如設定幾時結婚...生子....升職...等

而因應呢個時間表, 再睇下自己應唔應該做多份工, or 改去租金比較低既地方住

p.s. 有時做人, 只可以為眼前選最適合, 而非最好既選擇, 在一得一失間, 取得平衡, 如果想快速拎到心中想要既野, 你可能會失望~~

再 p.s 另外, 想自己無咁灰, 除左樂觀既心, 就係有時 '乙水' 下自己, 等自己開心的lu~

人生在地球上,只不過是一個過程,當完成過程後,生命會進入另一種形式,
因為你著重/執著於現在,所以無法放開...罷了,

看多一些書對你的人生會有幫忙。

usually睇心理書