你去d較舊式的香料舖就買到. 椰油, 其實只係一種南洋人士好常用的油脂, 等同外國人用牛油咁普遍. 因為南洋, 例如印尼或菲律賓呢d地方盛產椰子, 所以, 一般菜式或做糕餅, 都會用椰油做主要食用油脂.
至於價錢, 因為香港唔算常用, 而且, 除咗d老式香料舖, 仲有賣椰子同開椰子外, 其實椰油係香港好難有現貨; 椰油本身都要經過提煉. 再加上, 用唔慣的人會覺得, 椰油有一種"益"味. 香港本土唔似南洋咁盛產椰子, 亦唔普遍使用使椰子的副產品(如椰油、椰糖等等); 因為外公我係印尼華僑, 所以我先知呢d知識. 但價錢唔係太清楚, 只知香港買到的椰油都好細樽同較貴(因為貨源少). 而且, 多數只係做糕點或煮咖哩, 以增加香氣同風味.
至於香港邊度有得買, 我唔知你係邊區住; 土瓜灣、灣仔鵝頸橋底, 總之, 你搵到d有椰子出售的香料舖(唔係生果舖呀), 尤其果d舊式香料店, 有埋d自製咖哩粉或醬料出售的, 都會有得賣. 不過, d新式或較細間的印尼士多都可以一試搵搵.