隔熱磚 vs 白瓷磚, 哪一種隔熱功效較好?

看下你想整係邊啦!!!
淺色磚整係廚房比較好, 整地下就雲石好, 不過膠地片都ok
隔熱磚係隔熱既, 不過佢話既野都咁, 淺色好d
如果有小朋友唔好整雲石, 唔係會好容易滑到
整浴室深色一d(藍色, 朱紅色)都好, 不過整一半, 下面係深色, 上面整一d柔和既色, (米, 白)加一d圖案既, 好似winner poor, 大口仔, 金魚, 海馬之類既瓷磚會好靚架, 我屋企浴室都係咁整既
而廚房就整一d白+淺綠既瓷磚, 又整一d提子, 平果, 水壺既公仔瓷磚, 都好特別架 !!!

顧名思義,當然隔熱磚隔熱功效大,瓷磚不論深/淺色,都不會有隔熱功效,一般物料都會吸熱,但隔熱磚散熱較快,其中以五腳磚較多為人採用,只是要舖得有職業道德才有用,因為舖時在適當位置放置五團沙槳,每團面積不可大過一個月餅,(像麻雀牌裏的五筒)五腳磚的五只腳就放上去,不會有太多的沙槳積在防水層面,整幅舖好後在每四件磚的駁口用英泥沙抿上一個十字,大小均等,整體看起來很有原始美.但最可惜是胡亂的做法,太多的廢料棄置在磚底,完工後不是可以馬上發覺,雜物愈來愈多(雨水沖積)導致磚底空隙減少,隔熱效果便降低.更差是積水不能自然排走,終於損毀防水層.啊！太多牢騷,離題了,對不起.....

隔熱磚和一般瓷磚不同,隔熱磚俗稱五腳磚,是一塊約2.5吋厚的
磚,由英坭混和沙石壓製成,每塊1尺方,底部有五個突起的腳,舖
在天台石屎的面層,底部的空隙是用來散熱的,隔熱效果頗佳,但
就不及瓷磚美觀,因它的外觀和一般英坭沙地台無異.

首先你打算鋪係邊度先? 另外,隔熱磚都有分幾隻架!
你可以問多幾間鋪頭....

我屋企用淺色瓷磚,我覺得好吸熱,摸上去燙手的