香港真係有金執咩!下下都黎香港生!!!

香港唔係真係有金執, 其實大陸人落香港生仔都係基於以下理由:
1. 只要香港出世就係香港永久性居民, 可享有所有港人社會福利包括綜援.
2. 大陸有生育政策, 生多過一個會失去好多福利, 但如果第二三四個在香港出世, 大陸政府都管唔到.
3. 香港公立醫院生仔好易走數, 就算無錢都唔怕.
4. 香港醫療水準及設備比國內高, 生仔都安全d.

要制止先得,發出世紙!

1. 大陸好似係一孩政策, 如果要生多過一個, 會俾人舉報, 會被政府罰好多錢, 所以先來香港生BB (有電視台訪問過D大陸孕婦, 有人係咁講過)

2. 響大陸入醫院, 無錢就唔理你, D孕婦無錢入大陸D醫院, 咪來香港生仔囉

3. 生左BB後, BB就係香港人, 將來大個可以來香港讀書, 搵錢 (亦有大陸人真係咁講過, 生左後, 交俾香港的親戚養, 等個細路可以係香港讀書, 將來係香港搵錢, 因為佢地會覺得香港的教育好過大陸, 同埋搵食會有前途)

最後, 我係香港出生的女人, 雖然知道有上面的原因, 但係都好唔抵得, 香港女人納左咁多年稅, 要生仔時, 分分鐘個產房床位俾D大陸女人霸晒, 自己要訓係廁所隔離或訓走廊, 人地完全無納過稅俾香港, 咁就用左香港D資源, 好唔公平, 你試下香港人去日本生仔, 去美國生仔, 有無咁易呀? 亦有無咁易走數呀? 係香港先至咁無掩雞籠