這樣的一個同事．．．．

在同一間公司做野，每個岡位都各有負責範圍，
清潔阿姐做清潔、文員做文員d野，
正如樓上所說，你個同事自願做呢d野，
做呢d超出佢工作範圍的事，
佢搶著做、不想你做佢相同嘅行徑，
就只能說，她太有勞性了!!
佢大大聲話好多嘢要做，忙到死，也只能話佢"攞苦黎辛"。。。

我個人覺得佢做呢d野的動機可能有幾個 :
1)想引人注意，在人面前轉來轉去，又話自己忙到死，想令人覺得冇左佢唔得。
2)想博升職加人工--------一個頂幾個，一個人做幾個人份量，想老闆升職or加人工、唔抄佢。
3)佢o既興趣。

而你唔理佢d野，當佢透明，都唔會好衰。。。
想理佢、幫佢，可能佢只會又話你多餘罷~

如果她做埋你的一部份工作，影響你的業績的話，就不要俾佢做你d野，
如果佢做d野唔影響你的話，當有隻蚊子在你前面飛來飛去算啦~
至於當唔當佢透明，就你自己決定了~

哇, 從來都無見過做埋人果份的人!! 如果唔影響自己個業績的話, (做多做少都加唔多人工的話), 我真係好想有D咁既同事, 做左野咁耐, 我一直遇到塞野俾我做的人, 明明係佢的工作, 叫我做埋佢果份, 好似你的同事的人, 真係未遇過

我唔認為佢係對工作咁有熱誠, 咁有興趣, 佢次次話忙到死, 掙著做工作, 係唔係老細係度先? 你試下搵日, 如果老細唔係度, 或者你再睇下佢係咪咁勤力, 如果老細都唔係度時, 佢都係咁勤力, 就係話佢天生勞碌命, 唔做野, 唔得安樂, 如果老細唔響度, 佢就唔咁勤力時, 咁即係證明佢想係老細面前做戲, 博老細好感, 想人家覺得佢比你勤力, 加多D人工或升職囉

如果唔影響業績, 咪由佢做埋你個份囉, 係佢自己自願, 又唔係你叫佢做
如果影響業績/表現就唔同講法啦, 每個人的RECORD係公司都有一份JOB DESCRIPTION, 係講明每個人的工作範圍, 如果佢做左你個份想邀功, 你就唔好俾佢做你的工作, 如果你守唔住個[城堡], 點都會俾佢做左你的工作的話, 咁你就要同老細反映一下啦, 等老細知下都好 (你當然唔好係個同事面前話俾老細知啦, 要靜靜雞, 趁佢唔在場時講囉, 直接講, 直頭要篤佢背脊)

如果唔影響表現/業績, 你駛乜學佢, 做佢相同行徑, 咪由佢囉, 係佢自己攬野上身, 做死佢都係佢自己的事, 理佢既話, 咪盞佢話你多事, 當佢透明就得

除左做埋你既工作外, 其實公司睇一個員工做唔做到野, 唔係佢做野成公司的雜務就當佢做到野, 加佢人工, 升佢職, 一個人做唔做到野, 係睇佢幫唔幫到公司搵錢或有無做好自己的本份, 唔係做埋D阿四野就可以上位, 幫唔到公司搵錢或自己本份都做唔好既話, 通宵留係公司, 幫公司捉埋老鼠, 消滅埋曱甴都無用

總括一句, 都係當佢透明好D, 話之佢嗌救命, 佢自己攞黎既

一個人升唔升職, 公司加幾多人工, 搵幾多, 食幾多, 係整定, 係天時, 地利, 人和, 其他人唔會影響你的命運既, 唔駛太過唔開心

你做好自己個部份就好啦~點會好衰個個人都有自己的工作，佢做埋人地d野，坦白講佢自願既。佢話好忙，你咪問佢駛吾駛幫手，佢話吾駛咪吾幫，如果佢反問番你做咩吾幫手，你應番佢係你話吾駛。不過佢點難相處都要相處，除非你話吾做姐，不過去到第二度都未必吾會遇到難相處的人。點都好~努力吧~