月經遅著, 但驗出沒懷孕

唔好太緊張la .. 有壓力都會影響經期ga!

如果你都係擔心ge話 , 可以去婦科CHeck下 !

你唔好咁擔心啦. 我都剛啱有咁既經歷. 其實我係想懷孕, 不過工作壓力大, 再加少少自己都想懷孕既壓力, 所以令到週期遲左. 我從來都未試過遲多過一個星期 (我足足遲左兩個多星期, 亦都買左三支驗孕捧去試, 好似個癲婆咁...哈哈...) 所以去睇醫生. 醫生話, 其實若果有一個月至兩個月無經期都係可以接受. 有時生活有某些改變, 壓力大, 食野習慣有改變, 什至乎體重突然有變(加重或減輕), 都會引至週期改變. 醫生話, 若果連續三個月都無經期, 咁就有問題. 一次兩次唔需要太擔心. 我當初都係一點經期會黎既感覺都無, 不過好得意, 睇完醫生第二日就黎... 若果你唔覺得有邊度痛, 你應該等多一兩個星期... 再驗驗有沒有懷孕, 因為若果真係懷孕, 在你經期遲左黎一個星期後就已經驗得出你體內既荷爾蒙水平高左. 在醫學角度已經算係懷孕五星期左右... 其實市面上大部份既驗孕捧都ok, 好少可驗唔出.

其實我身邊d朋友, 包括自己都成日有呢d問題煩惱, (其實我係男仔,不過成日都驚女朋友唔黎m).
以我所知, 如果生活有打改動, 令生理時鐘唔同左...通常都會有影響...而壓力當然係一個大因素啦...不過最常見始終都係生活改變....例如放完暑假, 開始番學的日子...睡眠時間一定會唔同....另外...拍拖...轉新工...去完旅行...等等...生活節奏唔到左....都會有影響
睇怕閣下好驚懷孕...如果你知道伴侶有可能令你懷孕, 在完事一刻到現在,你已經比左自己無數壓力, 呢個有可能係原因
可以的話唔好諗咁多, 等多一個星期, (其實女性遲黎一個星期好常見, 如果你係好年輕的話就更加不足為奇) o係呢個星期入面如常生活唔好諗咁多...呢個方法通常都得....過幾日就會自己黎ga la 祝你好運

有時太緊張都會影響經期架~~
放鬆d啦~~
如果真係驚就去睇下婦科醫生啦~~

過份緊張唔止會影響經期,對身體都唔好架~
RELAXXXXXXXXX~