精神病...... - Ans.fyi 參考答案

精神病......

[匿名]

2006-11-20 6:36 am

你地返工時有冇試過遇到自己個老闆係有精神病架
佢時時唔記得自己講過咩...這個頭叫你咁做..那個頭問你點解咁做
佢唔會聽得入耳你講的意見...咩都係佢自己對...我地永遠係錯...
就算自己做錯都要死頂！
你唔會知道自己可以點做你的工作
因為佢要求你跟佢那套做法
但那套做法係唔得的...佢都要堅持
時時在公司冇事生非...自己冇野做就攪住我地做野
攪到我地做唔到野....要知道我地做咩...但自己又唔識又要死頂
這個唔係我一個人覺得佢有病...而係個個都覺得佢有病
日日個個都唔想返工,因為唔想見到佢
佢好煩....個個都覺得自己有d精神病咁....你地係我你會點做
我都想唔做....但佢係我親戚...如果我走...佢就好慘...個個都走
佢就冇人幫佢...加上佢公司的內部運作好亂好多問題
我應該....

回答 (1)

Kai Ming

2006-11-21 10:08 pm

✔ 最佳答案

第一你要搞清楚人情還人情，工作還工作，工作時應該對事不對人，親戚都喺假，一日成8,9個鐘頭，點頂。
睇你情況已經到達難以忍受程度，我建議你離開，是但講個理由辭職(如不適合)，如果有其他親戚問起(如佢老公/老婆/呀媽呀爸)，而你覺得佢地是明事理，你就直接同佢講你上面所講概野，希望由佢地明白同勸你親戚改善佢個人同公司問題，包括佢個精神問題。

👍 0 👎 0