點解病人唔可以在急症室或手術室死亡?(20分)

曾經聽過d醫護人員話病人千其唔好在急症室或手術室死亡，因會好麻煩。點解?
Ans :因為死因都唔明確囉,麻煩既唔一定係醫護人員,急症室死就即係送院前或送醫後先証實死亡,照常理係會由黑箱車轉送公眾殮房,唔關醫院事,家人就會比較麻煩.
至於手術室內死亡都要睇下死者係因咩事而致死,如果係因傷重,太量出血,搶救冇效,責任都並不在醫生護士方面,相反,進行一個普通手術,而病人在手術途中無啦啦死亡,咁就要搵出致死原因,是否有人在手術途中處理不當而導致病人死亡.

另外，如果因護士的過失e.g.輸錯血or漏做了一些必要的護理程序而導致病人死亡，護士是否要因此而要上法庭受審? 如果罪成的話會否被判坐盬?

Ans:我相信輸錯血既幾會就唔大囉,因為輸血程序係要兩個人同時 check 包血 ok 先比病人,除非証明到有人大意冇 check 過就輸左比病人啦,但機會一定少之又少.
相反打錯針而導政病人死亡既個案就有,因為唔係受管制既藥物,註冊護士係可以自己打針而唔駛搵人幫手check 藥的,曾經試過有護士打錯針個嬰兒死亡,最後被除牌囉.

護士是否要因此而要上法庭受審?
Ans:一般對死因有懷疑既個案都會轉介死因法庭處理,如果有須要係會傳召有關護士上庭,但唔係受審既,係主要了解番當時發生事件既經過,對於當時護士所做既護理程序有所了解.
再作出建議.

會否被坐監就要視乎當時做錯野係有心定無意啦.

1).係急症室或手術室死亡好麻煩,因為醫護人員一定需要寫報告
2).護士的過失輸錯血or漏做了一些必要的護理程序而導致病人死亡係需要上法庭受審,一).罪成的話會否被判坐盬,二)可能沒有護士做

首先﹐要講清楚一點﹐如果病人在急症室或手術室死亡﹐不等於是醫護人員的錯失！
你睇新聞﹐幾日唔埋就有一單意外話個病人係「送往醫院之後證實不治」
咁呢ｄ多數都是在急症室就救唔番架啦
唔通全部都是醫護人員失職？？

講麻煩﹐是程序上的麻煩
因為在急症室或手術室死亡﹐就算明知佢點解死
都要轉上死因裁判官睇下要不要做病理科解剖
很多文件要搞（煩到醫生同姑娘）
送落病理科又搞到病理科醫生要見家屬傾談（煩到病理部同家屬）
要報警（煩到病理部）
出不到死亡證﹐延誤到辦身後事（煩到家屬）
病房醫生又要寫報告
如果真的證實是有人為失誤﹐仲要上庭﹐搞一大輪

第二個問題﹐有機會要上庭﹐但坐監﹐就應該個個 case 不同
很難證實到是單一個人的錯引致病人死亡
最多是成個醫管局一齊告
不過其實內部睇得好嚴的﹐唔好講咩﹐就算病房無端端有個病人自己跌倒了
姑娘都要寫報告詳細解釋！！

1)姐係話係醫護人員既錯失令到病人死左lo...
2)當然要啦.....