有乜野事情會令你感動流淚?

尋日朝早搭船有人墮海,3個船員落水好快手救佢上嚟,
係個阿伯,响水面時口吐白泡,
船上廣播問有無人識急救,我打俾做救護的弟弟想問吓應該點,又搵佢唔到,
我阿媽响電話話要人工呼吸同心外壓,船員都去咗搵水警同換衫,我急起上嚟衝過去,
好采佢仲有好強呼吸,側邊有個男人話識急救,話佢無事,有呼吸唔駛人工呼吸
有個船員見我跪响地睇佢,仲問我係咪佢家人,我先冷靜少少行埋一邊,
有人話阿伯放低晒銀包,係自殺
過咗一陣佢張開眼一下,應該有意識啦!
如果我真係佢家人可以安慰吓佢就好,點解我唔識幫佢做d咩
其實整個過程我都忍緊眼淚,好驚好擔心~
返到屋企瞓唔到開始流淚!
點解學校有家政木工體育,都唔花幾堂教吓急救,人工呼吸,心外壓呢?
煮飯比人命緊要嗎?當然應交由專業醫護人員做,今次阿伯無事,但日後遇上危急又點等呢?
我決定學急救,希望大家都會咁做!
人與人之間唔認識都有關心同愛

有關報導,原來因病自殺,希望佢開心d
http://hk.news.yahoo.com/061118/12/1wnkf.html

2006-11-19 06:18:26 補充：
我曾因搬屋要交隻狗俾人照顧,點知佢走咗,一年後回舊居行,原來:佢返舊屋等足一年呀!好感動!再同佢一齊生活,直至佢老死,我地親手埋葬,永遠懷念!阿Zoo

我是基督人

我以前曾想起耶穌釘十架 我曾哭過.

睇電視/電影 遇到情節觸景生情

記得小時候看了(可憐天下父母心)

我真的哭了...那時只是有10歲左右

到長大以後....

人生改變了~~~

悲歡離合都會流淚的