請男生答!!!你地試過跟一個大自己十幾年的女人拍拖未(感覺是甚樣)？

要視乎你幾多歲, 如果你現在20幾, 個女的是30幾. 問題真的不大, 不過...當你30幾, 個女的便是40幾. 你會介意嗎? 除非你身邊的朋友或同事非常好人, 否則...如果有一位在你背後說三道四. 你的心便會很不開心...

我曾經跟一個大我七年的女孩拍拖, 時間久了...女的樣貌比男的快一點老, 世俗的人都會整句"家姐拖細佬" 到時, 你就知道有幾辛苦...最後, 個女孩受不了壓力...分手!

相愛 是 要雙方的事!
simple is the best~

如果你介意嘅話咪算囉 ！
愛係無任何限制架 ~~~

大自己十幾年的女人就未試過...

大三年就試過一次...感覺...
其實唔會太古怪,不過身邊好像多咗一個人幫你/支持你一樣
因為她始終大過你,人生經驗較豐富,
所以當你須要支持/提供意見時,她好多時都幫你解決到問題
相比下男方會較有安全感,
亦唔會好像d妹妹仔一樣...你煩時她仲不斷煩你,
有時仲好像照顧個妹一樣!!!

但男方可能有壓力...來自女友d朋友--覺得你似個小朋友
來自屋企--長輩始終覺得女仔唔好大過男仔
或者來自公司--如果一齊做嘢就話你靠女人

不過點都好,如果相方愛大家...年齡絕對唔係一個問題
就重要互相尊重和了解,一同去面對所有問題

希望我的經驗幫到你

其實你鐘意佢,唔一定要拍拖,做番好朋友,一齊玩,咪仲開心