唉.......特快公屋20號去揀都唔知點揀.......好失望!長者屋係點架?

而家淨番俾你揀o既長者住屋, 入面至少有1個長者住緊,
各自有1間房, 廁所同廚房共用~

如你仲有興趣, 你可以聽日9-7去房署睇下預覽, 望下係咩地區,
因之前有朋友佢去揀特快都係淨番長者住屋, 咁o岩揀果陣又有個都係揀長者住屋,
所以就揀同1間長者住屋(果間係有3間房), 可以咁樣夾囉,
但你要諗清楚能唔能夠容忍或忍耐長者比較慢o既行動,
尤其是使用廁所呢個問題~

2006-11-18 23:07:31 補充：
我剛剛知道有人今日去睇過預覽,勁多d阿伯去睇, 累埋1堆, 仲話呢d屋連租都要$800幾, 照我睇不如等下年la, 無謂迫自己去特登揀呢d屋!!! 以你情況下次特快會早過今年好多, 起碼有更好選擇~~

我都係20號揀~ 不過我今日(19號)去睇過d單位
差唔多地理位置好既(例如平租同近地鐵個d)都比人揀晒
最慘既係大部份單位都應該最少三間房
姐係你可能要同兩個長者一齊住....
你上午定下午去? 如果下午既就祝你好運....
應該連平租同近市區既都冇晒....

我朋友2003年申請公屋,2004年因輪候號碼遲,選不到理想的特快公屋[就算有問題的特快公屋亦早被人選晒],2005年9月中再選特快公屋,10月初入息審查,10月尾收到信要11月中到所選的屋村(寶田)辦事處辦理租約簽訂及其他手續及睇屋,他覺得屋問題不大,而選了翻新津貼自己翻新間屋及可即取匙,簡單裝修完11月尾便入伙了!
如果是長者屋,就算有40平方米(約400尺),他也不會算,因相處好同住難,而一住公屋,可能就要住幾年了,你想清楚利與幣呀!
所以如果你今年選唔到,那便等下年啦,再且,寶田並沒有網友們寫的那麼恐怖,因我朋友亦住緊,只是覺得12平方米(可放的傢俱不多,但勝在租金只是$480)及厠所太細,及在Tuen Mun太遠,返工車程遠又車費較貴!