✔ 最佳答案
你唔好理誰對誰錯, 你話: 我知自己history有幾多分, 我唔知就去問係咪唔岩呢?
千祈唔好發脾氣, 講嘢要平心靜氣, 一家人傾吓計, 問吓問題, 做乜攪到咁大火氣?
就算你呀媽話你問埋d 咁stupid既問題, 其實都係無乜惡意啫! 因為我地有時同
好熟好熟既朋友講嘢, 都會話人咁死蠢添! 你唔好太執著一句半句說話, 咁樣會令
到你自己又激氣, 幾無謂! 仲有, 你識怪你阿媽話你, 你用賤人來形容佢又點呀!
其實你係自己搵緊自己笨都唔知, 你話你阿媽係賤人, 咁你咪即係話自己係賤種,
所以每句說話都要想清楚先, 罵人都要經一經大腦, 父母係長輩, 你點都要俾幾
分面既! 唔好咁燥, 叫你媽煲濟涼茶你飲啦! 一家人有傾有講, 唔好去計較, 岩聽
就開心笑吓! 唔岩聽就當做笑話咪算囉! 在呢個社會上, 一樣有更多踩人的說話,
咁小小你都頂唔順, 將來點面對人食人既社會呀? 係屋企聽到乜嘢唔o岩聽o既,
就當做反面教材, 訓練自己幾難聽o既說話都 ~ 頂得住 ~ 佢就無你辨法啦!
2006-11-19 04:47:08 補充:
你爸爸一定好錫你, 唔係你點敢無緣無故鬧佢! 呢d咪持寵生嬌囉! 你真係要諗諗自己係唔係岩晒先? 你知唔知自己有幾幸福? 有人話你, 無人理你果時你就慘啦! 收吓自己既脾氣, 如果第日你阿媽再話你甚麼....stupid, 你就話: 你唔好踩我呀! 所有嘢都係你遺傳俾我既!