成日抱住隻狗好唔好及狗識唔識D人講咩？

其實成日抱住小狗係冇問題既,d老人家話人既bb唔可以成日抱著,冇話狗bb唔得喎@_@!仲有,我覺得抱得狗狗多,佢第2時大咗會(痴)你多d,我2隻狗狗都係咁,
另外,我都成日好似個傻婆咁同我2隻狗講野,我覺得佢地有時會明明地,當然,你發惡鬧佢佢梗知啦,但係我試過有一次唔開心,同我隻狗狗講,講講下我喊起上黎,佢好似知道我唔開心,即刻上前lam我塊面同眼淚(雖然可能佢只係見口喝,咁啱有野飲!!!),不過我都覺得佢好sweet,所以我覺得你不妨繼續同佢講野,冇壞架!

我常常都抱我隻狗好似BB咁,但她不喜歡我就無這樣抱了!!!!!!
PS:MY WAS FIVE YEAR OLD!!!!!

成日抱住隻狗對佢身體黎講都冇話唔好既, 反而你同佢既感情會更加親密, 佢會更加信任同喜歡你。

狗係聰明既動物, 佢地未必會全部明白你對佢講既說話, 但一 d你成日同佢講既短句同命令佢地係能夠記得同明白既, 同埋狗之所以可以成為人最好既朋友係因為大部分狗都曉睇主人既表情, 知道主人幾時開心, 傷心, 憤怒等等, 仲會陪住你身邊同討你開心架。

我都成日抱住隻狗架,佢都不知幾enjoy呀...d狗係唔知人講乜架,不過佢會知道你係同緊佢傾計定係鬧緊佢,佢地好醒,會feel到架!