想坐火車去大陸玩6 日, 有咩路線好介紹?

比小小意見之前想問一問你, 去旅行既目的係6日都搭火車, 定係只係去同番搭火車, 中間D日子會去遊覽?

如果係後者, 我會建議你搭一D係廣東出發, 搭一晚過夜火車就去目的地既地方. 如武漢, 黃昏車朝早到, 食個飯訓一覺就到, 不過咁就可能無咩時間係車上睇風景; 又或你想搭車睇下風景, 上海北京都可以, 一日車, 訓一半時間, 睇風景又一半時間.同埋呢D都係大城市, 都值得去遊覽下.

如果係6日都搭火車, 你就要諗下個行程同路線你想去邊, 想睇咩風景咁. 6日都可係大陸搭一個圈火車. 我建議可以咁：廣州－西安－北京－上海－深圳

不過有個問題你要注意, 2月係春節假期, 正值係國內鐵路春運時間, 除左車票難求之後, 各地車站都會超級多人同比較混亂.