輸卵管閉塞,又想生bb,應該怎辦?

不知道妳是否只係睇過家計會一個醫生, 而且又不知道家計會個醫生叫妳做腹腔鏡手術是如何做, 例如係切除右邊輸卵管還是其他, 點都好啦, 我會見意妳去睇多2-3個婦科醫生, 檢查清楚, 問下佢地意見, 唔做手術還有無其他方法醫, 如真的須要做手術, 問吓醫生個手術是甚樣做, 做完之後又會點, 手術費係幾多錢, 醫院收費大概幾多錢, 問清楚詳細情形, 唔好自己係到估估吓.
其實左右兩邊各有一個卵巢同輸卵管, 就算右邊塞咗還有左邊輸卵管, 未必無得生, 就算真係無得生, 現在有試管嬰兒手術做嘛, 以我所知瑪麗醫院係有這樣手術做. 唔使咁擔心.
我以前喺右邊輸卵管度生咗一個水泡, 大概3-5cm大, 醫生叫我做手術切除個水泡, 當時我和我家人並不懂這樣是嘜東東, 醫生叫我做咪做囉, 而我並無睇過其他醫生, 幾年後輪到左邊輸卵管生咗個血瘤, 同時發現我右邊輸卵管偏咗, 睇了多幾個醫生, 他們都是這樣說:(因為上次的手術導致偏咗, 妳唔應該做這個手術, 有bb的機會率低咗.) 我當時都好似妳咁好擔心會唔會就等於無得生.
我講我的經歷妳知係唔想妳好似我咁, 只係單單聽一個醫生的說話. 還好妳仲未做手術, 可以睇多幾個醫生, 問吓聽吓一些專業意見.
而我本人現在有一個7歲大的女兒, 係正常過正常經性行為而受孕.
希望幫到妳啦! 放鬆d! 開心d!

我都試過同你一樣的case，最終去到醫院，醫生再check就話無塞，唔駛做手術。
其實，即使要做手術，都只是把你塞的部份切除再駁回正常的，因此，不是每個部位塞了都可以做的，有些部位是不可以做手術的；你手術前的檢查時，醫生就會詳細解釋給你知的。
就算是有塞，你都只是塞了一邊，仲有一邊係有機會有bb的，只是機會比正常少了。你還可以做人工受孕的呀！
私家醫院收費當然好貴啦，醫生手術費再加住院，而政府就即日（無事）或住一晚就可以了，而且政府可以做跟進，萬一你仍未能順利懷孕可轉介你去做人工受孕，這又比私家平好多了。

現在醫學昌明
不要擔心