點令到我D cat再肯食返吐毛膏

Chris, 你話你隻貓貓o區左o的o野係地下!? 有時, 會因為吐毛膏刺激, 而影響到隻貓貓o區o架!(如果你想判斷隻貓貓o區係o米毛球, 好簡單, 毛球o既形狀好似濕左水o既棉花o甘, 不過係長形, 質感無棉花o甘軟, 硬o的, 睇起o黎好粗糙...)

其實有人話貓貓o吾一定要食吐毛膏o架, 因為佢自己識排走o的毛. 不過一o的愛貓人士(好似你同我o甘!), 就會比貓貓食! 如果你o吾係好有經驗決定隻貓貓食幾多份量o既吐毛膏至o岩, 你可以比吐毛丸隻貓貓食(方便o的o架! 又無o甘搞到地方o甘污糟! 吐毛丸係寵物店有得買, 一般一瓶有60粒, 大概HK$50幾, BB貓半粒, 成貓1粒). 一般教撈入o的貓糧, 我試過就o甘比貓貓食都無抗拒, 應該好味過吐毛膏o卦?
另外如果你想都係繼續比吐毛膏隻貓貓食, 都係o即少少, 大約2至3cm左右就夠, 可以試下參考以下指引(我係網上睇一個講養貓o既Blog知識):

搽係貓貓個咀同手度, 因為佢地經常用舌梳毛, 唔覺意會食左.
用指套保護手指, 當同佢擦牙咁落吐毛膏.
強逼放入, 但好易俾佢咬到.
轉吐毛膏, 睇o下佢會唔會鐘意o的.(聽聞貓較鍾意麥芽味吐毛膏)
仲有, 除左吐毛膏同吐毛丸, 市面上亦有一o的吐毛貓食同貓草可以比貓主選擇. 可以耐唔耐轉o的Hairball Control貓糧,(有一位比較有養貓經驗o既朋友教o既, 你可以買你隻貓食開o個隻同一牌子, 平日比貓貓食普通裝, 間3個月到又轉Hairball Contral或Oral Control貓糧隻貓食.

****希望資料幫到你就好啦! 並祝你兩隻貓貓乖乖同健健康康!!!

嗯~~你隻貓幾聰明,知道中伏就唔肯再上當!
我有兩隻貓時不時都會嘔,另一隻就唔會,我想應該是牠們天賦的本能,食唔食吐毛膏都無所謂,吐毛膏的用處就是幫助佢地排毛,牠們自己可以做到就不需借助外力。