用3200度菲林

影夜空有好多種玩法喎,睇你想點影.介紹兩種較常見既方法:
1. 影星軌
用一支不太tele的鏡頭,向著某一個固定角度,收細光圈長開快門,讓星星的運行軌道攝入菲林.一般這種玩法需要在接近零光害的地方才能玩到,否則環境雜光一定會完全破壞相片.
我未試過用3200度咁樣影,但若以100度菲林計,收16或22光圈的話,用shutter繩開左快門之後lock住,訓一覺過三四個鐘之後關返快門張相都唔會有事.如果用ISO100同ISO3200差五級感光計算既話,應該影20分鐘至1小時都無問題,可以在呢個range試下包圍曝光.不過記住要搵到個接近零光害既地方,我所知香港淨返三幾個呢D地方啦.
我估你今晚影都係想影流星雨,用呢個方法岩晒啦,將支鏡set到對正個focus point,夠鐘到高峰期就開快門,抖返半個鐘搞掂一張.補多張再曝長D時間,就可以收工啦.

2. 影一粒星既形態
用一支tele鏡 (500mm至1000mm或更強!),開大光圈,高速地影一粒星既「近鏡」.不過呢個方法,天上面唔係太多粒星星可以咁樣影,太遠果D會影唔到,除非你部相機可以駁到天文望遠鏡.通常D人會影下火星,木星或者更大路既月亮啦.
我試過用支200mm ISO100影滿月(影出黎都好細架咋,不過無錢買500mm所以都玩下咁啦),5.6光圈影1/15秒都影到.計數既話用3200度,快門可以係1/500秒,即係手持都得.不過如果影星既話,一般星既光度比月光起碼低10級,當你放光圈到4,枝tele鏡係1000mm既話 (即係影像比200mm大幾倍),咁影既話計數就係around返1/15秒到10秒啦.

其實,如果你部機測光準既話,都可以信下測光,然後加減4-5級包圍曝光咁去影既,30幾張菲林點都影到4-5張見得人,算唔錯架啦.不過講返轉頭,講乜技術都勢係假,我可以講話,影夜空最重要既唔係乜野,而係天時地利.個天唔清有雲,或者附近有D令人討厭既人造光源,你就唔駛影架啦.想唔浪費筒菲林,不如今晚唔好影啦,好多煙霞,未必有野睇架...

最主要是你身處拍攝地點的現場光度。

影星星要考慮月光、雲量、季節、…等。

然後選擇各種光圈、快門，要用多種時間去拍攝，由1/15秒開始加時間吧。