✔ 最佳答案
如果以我既睇法 我覺得如果你學左咁多種語言
而最後真係o係一間球會做倒d職位 我會覺得不太值得
首先,學咁多語言,你必須要投入非常大量時間
而且你必須要好有語言天份,你自問英文如何?
我自己都有學日文,發覺從零開始學一種語言係非常困難的
有好多好多野要記,要學到融會貫通我相信最少要五六年
其次,你要好有耐心~
你要諗下,你學咁多種語言都係為左足球
你會唔會o係中途覺得無力下去而放棄?咁你做既野就白費
而且學咁多語言會好有可能混亂
用既時間會好多,我相信絕對會影響學業
如果你只識語言,學識不高,始終都做唔倒d咩~
再者,你要考慮經濟能力
學語言,你要有老師,有上堂既書,有參考書,考乜試都要比錢
如果你想學得舒適d,只有幾個人一齊學,大約每粒鐘最少$70
多人學你都唔舒服啦,老師亦要兼顧更多,你學得會冇咁好
以我為例,學日文我班只有三個人,學得舒服,但每堂$80
計你每星期上一堂(本人認為這是最起碼的頻率),學四種語言
每個月過千元,真係要諗諗~有錢不如o係歐洲睇波好過啦
更加必要既係,識多種語言唔代表d咩~
世界最普遍既語言係英文,如果你搞得掂英文
又有適合條件,我相信歐洲做野不成問題
最重要既都係,你咁做並唔一定會提高你既機會~
我講既野係咁多,希望有用