我想問bbq點樣可以快d透到爐

我地d鄉下仔唔駛用炭精起火.......成日起慣哂
我地會咁起囉,首先將細炭放o係底
大舊o既炭放o係上面
唔好放得太齊同太密
因為下面d火會上唔到黎
同埋上面太密的話會無氧氣落到去
最緊要d炭唔好太濕
點著一張報紙隊入d炭底
一張一張咁燒興佢先
燒到見到d炭底部有少少紅時
報紙就打孖上,燒紅佢
然後搵野煽風
o係下面撥(即係由炭o既下面向上撥,不過次次都好多灰周圍飛)
撥風o既時候記住上下手,唔好左加撥(唔知點解,經驗,應該d風會食正d)
撥到有d"啪啪"聲咪停一陣囉
跟住有應該有少少火架喇
咁就o係炭面度向下撥,之後就好猛火架喇

小人自創一個小道具：兩枝吸管連為一枝長管，用來吹紅D木炭，花費氣力小，針對性高，效果顯著。
1. 將幾條報紙扭為幾條小長條，捲成小圈餅般。放在爐上。
2. 第二層舖上中小型木炭。
3. 第三層舖大炭。
做法：點著報紙，令比較容易燒熱的中小炭燒紅。
一見到燒紅的位置，用吸管吹（擰轉背面用鼻吸一口大氣，用口向管吹）。最好是向一組燒紅而不太通風的紅炭位置吹。一吹很容易就「啪」一聲起火。到時你喜歡煽風就煽風吧！

用鍚紙把食物包著!

先擺D碎D既碳,慢慢堆砌起,用火機點起碳精後放於爐既較入位置,然後到戲肉:透火!!!個人建議你事先帶定一塊發泡膠板去撥...個人經驗:好掂!以小幅度撥~~~好勁架!!!
祝:火氣旺盛!