有咩捉貓心得,我捉唔到自己隻貓去睇醫生??

如果你平日已經好難先可以抱到你隻貓，而佢又知道你想捉佢入袋，咁我會建議你....

1. 先帶著手套及打開貓袋平放地上，然後打開的一邊向出，自己帶有手套的就在另一邊刮個內既內側引佢，貓對聲音好敏感之餘亦很八卦，好多時都會八八卦卦走入袋睇下有咩，這樣就不用捉得咁辛苦 了。 (這是個人經驗之談，唔知對你隻貓有無效)

2. 貓的而且確好細膽，尤其捉佢沖涼時，會嚇到成隻貓都陣晒，所以當佢好驚時，最好攬實佢或用條毛巾包實佢，都可以令佢無咁驚清。

祝你隻貓咪早日康復

在一間密閉房間中
一個人要用大毛巾包裹住全只貓
之後另外一個人負責拿穩個貓籠
把貓連大毛巾強行放入貓籠
之後即時關閉貓籠的開關口
以9.9秒速度下樓乘的士到獸醫診所去
記得要預約獸醫先
否則去到診所再掛號就更加使到貓兒難受

抱貓去看獸醫真的是苦差事啊

good luck!!

1) 用飛機籠會比用袋容易 manage. 首先打開飛機籠度門, 然後揾 D 野引佢出嚟, 例如羽毛, 零食等. 我隻貓對光特別有與趣, 用 laser pointer 最有效, 不過要小心唔好射到佢對眼, 安全D既, 用電筒都可能得. 等到佢注意力分散, 便將羽毛, 零食等拋入飛機籠內, 佢就會追入去.

遇著"頑強"又醒目既貓貓, 知你想捉佢, 一定唔會自己走入個籠度. 咁就要趁佢注意力分散時, 一手义住佢條頸先得.

預防被貓爪傷, 可戴上手套及著一件較厚的衣服保護自己.

2) 唔會嚇死, 但可能會有陰影, 令下次更難捉, 不過利用佢八卦的心理引佢總湊效!

如果你隻貓貓咁驚青, 建議你唔好用貓袋, 實後悔 .... 因為我家主子都係咁, 要去買個飛機籠, 寵物店約$120一個, 你打開個籠, 佢通常會自己入去, 如果唔得, 放小小貓零食引佢入去啦. 入咗去你閂好度門就唔怕啦, 用貓袋佢地一驚就會標出黎, 你會好狼狽架. 去到醫生度醫生識倒轉個籠引佢出黎架啦, 佢地熟晒手, 放心啦.
btw, 你諗住睇邊個醫生?

預先打開個貓袋放埋一邊, 襯佢咗廳果陣, 閂晒所有房門、厠所門同廚房門, 等佢成為雍中之鱉, 然後你扮捉佢, 佢無地方可哩就會自動捐入個袋到。

慢慢黎，不要太刻意，扮同佢傾計
然後一手捉著佢頸背，吊高佢，佢就冇得反抗。如有需要，另一手托著佢pat pat ，「倒」佢入袋/ 籠。即籠口向上，貓頭先入籠，到佢轉得身時，你已可將籠蓋上。帶佢出街時，你最好不停同佢傾計，等佢知道你在，佢就冇咁驚。

如果隻貓已經很弱，或心臟有事，有可能嚇得死。不過佢仲識反抗出爪，又走得快，應該冇事。

搵d貓草放入寵物袋黎引佢,跟住快速拉拉鏈,但動作唔可以太大,驚嚇親佢
最好事前自己都載上手套,恐防自己會比佢抓到,
成功左就同埋佢去比寵物店剪埋手甲啦,
平時同佢玩多d佢就會知邊個錫佢,遲d就會比你抱咖喇
幾cool嘅貓都會咖,就黎冬天,佢地仲會"痴"人多d tim咖^.^

教你一個好簡單既方法啦...
首先戴對手套...搵d野快速移動引隻貓出來.......跟住用一隻手在佢既面前 "樣"下"樣"下...等佢注意住你這隻手既時候...就用另一隻手去叉佢條頸...
萬試萬靈架..一定可以捉到佢...我都係用這個方法捉我隻貓...

1.) 將個袋開位打"動" (即開口向上), 準備好放入房, 隔一陣捉佢入房關門, 捉住手腳"到"頭放入袋中...........要快, 用手"禁"住開口位快速關上拉連......

2.) 唔會........不過佢驚會"賴"尿, 脫毛同出汗.......

祝你好運 !!