有冇人搭過并可提供關於泰國東方航空的資料

我搭過...其實我又覺得ok woo...同華航細機差唔多啦!
我今年六月就係搭佢去泰國0既!

我搭之前都有搵過關於哩間航空公司0既資料...有人話佢地0既飛機係向JAL買0既二手機...我上到飛機之後就同男朋友不斷周圍望...又的而且確...好多JAL0既剩餘物資噃! 好似宣傳單張果個膠架啦...就連起機前播果段片...個空姐公仔都係著住JAL0既制服...

不過講真...我又唔係覺得佢真係咁恐怖lor...因為...有咩事要賠起上0黎...佢間公司真係賠唔起!! 所以...安全問題...佢仲緊張過你! =P

咁o既價錢咁o既時間, 抵搭!
唔係旺季都唔係成日勁delay
都係半個鐘左右, 可接受
比較難頂係起飛前冇冷氣
至於飛機餐, 難食係預左, 唔難食係bonus

價錢真係平好多既,而且時間又好,去8:15am,返6:45pm.

唔好既係,好多時都delay,機舊,好大電油味,我9月尾返黎時,見前兩排有個男仔,未起機,聞聞下都嘔.

d飛機餐唔好食,不過無邊間特別好食架啦.

基本上大致都ok既.