讀fashion design係咪會敗家....?@@

其實fashion designer 可以好賺錢, 睇你點安排自己既路, 起薪點唔會高, 但一般有幾年經驗既都有萬幾蚊人工, 如果有好既學歷, design又ok 既, 二萬一個月唔難, 再多d 都有, 做到高級d, 人工又會好d, 當然好睇你諗住做一個點既designer, 如果一定要有自己個brand, 咁真係好睇你有幾多料，同際遇．但始終係一個專業，俾讀商科好d , 搵工亦好易, 如果你唔係話想一定要有自己brand就一定唔會敗家。其實同其它職業一樣, 都係只要你有quali, 就會好有前途, 否則就當打一份工。

做做下唔中意又可以轉去做merchandiser, 都ok 賺到錢ga。

學費睇你讀邊間同咩course, 自己去d 院校網頁睇, or 問佢地攞prospectus 睇啦.不過大學同ive都有grant loan 申請, 讀得好攞埋scholarship 仲可以賺錢tim 呀。 我都攞過scholarship。
材料費唔會話好平, 但平有平買, 貴有貴買, 無人話平野唔會有好design, and 好難一概而論喎。 如果你係讀ive 同poly 等, 你可以做partime, 幫人補下習咁, 一定夠材料費。條條大路通羅馬, 如果你屋企真係咁窮, 實申請同full grant full loan, 仲正, 唔使擔心。

有興趣一定要讀, 工作係一世, 唔好轉左幾圈先番黎讀,浪費青春。

因為design與其他學系的支出確實有天壤之別。除了要俾學費外，買料呀，搵人車(好多時宦係自己車)，選飾物呀，特別佩件呀，影沙龍呀，做平面廣告呀都要用上大量金錢。

如果你有錢都可以慢慢用下的，但係冇錢就真係好傷嫁。

如果你真係想讀也可以問政府借免入息審查的貸款，完成後出黎做野慢慢還。

如果你係有料的就會好吃香，因為呢行都幾缺人材，而且前途仲唔錯。但係你一定要有料。

怎樣才能有料：

1.天賦加後天的努力
2.天材
3.勤力

1.的結果是會有好多人請，2的結果是成為大師，3的結果是打死一世工。

入行前要問清楚自己是否有天份(就好似以前畫畫是否經常得到讚許，對藝術有沒有天份等等)，如果唔係就唔好浪費時間，因為理想與現實是兩碼子的事。


係咪只係有錢人家ge玩意..?唔係

係咪唔夠有錢就一定唔成功?唔係
係咪讀lee科會好敗家?這是事實
做功課同 d材料費係咪會好貴?十分貴，而且呢科係冇咩test，最多都係英文同design hstory and art history。
讀完出黎係咪真係會好易敗家?未必。

讀任何的專業都要付出時間和金錢代價的,
你在選讀之前首先了解下自己是否只是跟潮流
心態去讀時裝設計, 還是真正喜歡時裝設計
這一行呢, 所有的專業設計行業, 無論修讀和
從業的路途都好艱苦的, 要打出名堂毫不簡單,
你一定要有這樣心理準備, 另外你是否一個有
恆心的人呢, 如果以上一切你的答案都是 Yes
的話, 就唔會係敗家子了, 他日你修讀和有朝從業時,
還要不斷去參加外間的比賽, 一方面獲取經驗,
另一方面希望勝出打出名堂, 有助你發展的,
如果你真係努力以赴的, 相信你家人會接受你同支持的
最後祝你如願以償

你要有本事先好諗﹐ 你唔系個隻材料讀黎都系白費﹐ 真系會敗家。 如果你系得既﹐ 讀出黎就有好好既前途。

其實我同你都係一樣..
我好冇錢..但係我都真係好想讀fashion design
個個人都話去外國好
但係邊得黎咁多錢,,
我有諗過放棄..但係我真係好想做
我諗你都係,,
但係係呢個人生..就係最緊要做自己仲意既野
因為你唔知自己幾時拜拜
所以你唔可以放棄!

真係唔掂的話咪死左去囉..但係你一定要試..
唔試的話你永遠都唔知你讀fashion design掂唔掂,,係咪?

2006-11-17 15:33:49 補充：
我唔係想鼓勵你去死..只不過呢個係你既理想..既然你想做咪去做囉!

行行出狀元la...
無一科話讀左就唔敗家,亦無一科話讀就係敗家, 敗唔敗家係睇個人, 同埋敗家既意思唔係咁簡單...