✔ 最佳答案
最重要係鍾意狗, 唔怕煩照顧佢, 當佢一家人唔係當佢一隻狗, 所有時間比晒佢, 去邊都帶埋佢, 就算結婚生仔佢都係你屋企人, 唔會用任何籍口遺棄佢, 唔會為左佢一時頑皮作反唔可愛而掉左佢!
次重要就係要有時間, 足夠經濟能力及屋企夠活動空間又可以養狗先好養!
狗狗真係可以用你好多時間, 因為你八至十個鐘唔係屋企, 再加八個鐘休息, 數埋得返六至八個鐘, 而佢就係呢十八個鐘裡面等你返黎陪佢同佢玩, 如果你連呢幾個鐘都唔得閒理佢, 佢就好悶, 好孤獨, 你有好多朋友, 佢得你一個朋友, 你當然有時間就要陪佢啦!
錢, 有d話金錢唔係萬能, 但無左錢就萬萬不能, 睇獸醫, 美容, 食物, 每一樣野都要錢, 如果你只係可以負担二百蚊到狗糧, 咁你就唔好養喇
屋企太細同唔可以養狗, 你被人困係咁細既地方廿四小時你都唔高興啦, 狗一定會吠, 唔好以為訓練狗狗唔吠咪得囉, 咁就無人知啦, 世界上總有好多麻煩人唔鍾意狗, 少少野都會投訴架!