供完樓宇按揭貸款 之後有咩手續要做？

1.首先，你要去銀行，通知佢地你就快供完樓，要做贖樓手續，填張form，最好搵定律師樓名稱(否則如透過銀行幫你搵，律師費可能較貴)，你最好在還款到期日既一個月之前通知銀行(因為有d銀行需要一個月通知)，

2.你可在報紙上搵律師樓(如東方、蘋果等)，或者到以下網址搵︰http://www.hklawsoc.org.hk/pub_c/memberlawlist/mem_firm.asp
(律師費一般由1500-2400不等, 如果你搵大型律師樓，律師費相對黎講會勁貴！) (留意︰你一定要問清楚律師樓係咪可以做到你果間銀行既贖樓，因為唔係所有律師樓都可以做到所有銀行既文件)

3.最後一期還款，你可以有兩個選擇︰
a.在銀行填form 時，叫銀行在到期日自動在你的戶口扣數
b.叫律師樓幫你出信到銀行問還錢數，跟住你要將錢/支票入落律師樓戶口，由律師樓幫你還款

4.當你搵到指定律師樓時，佢地會出信到銀行搵番d樓契出黎，然後佢地會做贖樓契(discharge/release)。

5.支付律師費及出示最新一期已繳付之差餉地租管理費單(因為銀行一定要你地在按揭期清繳晒所以差餉地租管理費)，律師樓會把贖樓契送比銀行簽，簽妥後，律師樓會把贖樓契送到土地註冊處做註冊手續，由於註冊需時一個月，律師樓約於一個月之後叫業主上去攞番晒d樓契。

仲有唔明，就email 比我啦！

我一年前至熟番樓契，銀行(亞商)係無通知我，其實都無需要，因每年或耐唔時，佢整張對數表提你仲欠佢幾多利率多少嘅statement比你，已經叫提左你幾時到定啦。
你搵律師事務所要預備管理費單，証明你無拖欠至得，如果要加名/轉名？得。比錢攪羅，律師費貴啲啦，因為幫你做埋張轉名契。
律師樓費用幾多錢？會因樓價而異，通常銀行介紹會平啲因為有生意上聯繫，但有起事會幫銀行多過你因為銀行係大客。一百萬樓價到，律師費約$1,800啦(係銀行介紹律師行)。