今天0939建行己升到$4.1，現在買它是否風險高？

其實買邊隻股票都有風險啦,內地銀行股前景唔錯,而家國家放寬外資進入內地銀行業市場實在是好事的雙贏局面,外資進入中國市場,要從頭做起,不如借收購入股同大陸銀行合作,故此中資銀行股一定是前景明朗,風險肯定唔高,其實你是冇買錯,只是入個位入得唔靚.

本人係11月8日在這裡回答網友問題說:

建設銀行(939)股價可始有異動, 已經連續三個月成交金額回升,而且月線陰陽蠋都連續三個月現陽蠋,九個月橫行求突破3.7 阻力位, 如破3.7 會再沖3.85 如破埋就可以開始下一個升浪,因為橫行九個月好多冇耐性已經同佢分手,貨源歸邊.

本人係11月13日凌晨時份在這裡回答網友問題說:

建議 #939 吸納,從基本因素看,建行雖然不是突出,但也不太差,需然質素比不上交通及招行,但冇理由落後咁遠,故本人認為建行是受制於之前形成之阻力位.3.7, 如破3.7 就見 3.85, 建行是唯一一隻有阻力位的中資銀行股,因為之前炒得太勁,炒染藍炒過龍, 之前雙頂位延申一個阻力位係3.7,引致3.7-3.85 有蟹貨區阻止升勢,如無阻力位,建行冇可能係 3.7 樓下,PE 計15倍幾,冇理由咁平,唔合理.建行低純因技術因素,如基本因素無關.

其實建行由今年2月中炒上$3.85回落,足足橫行了8個多月,在這八個月裡已經多次試圖破$3.7,但都失敗,形成個個人都認為$3.7係見頂,所以$3.7形成一個強大的阻力, 我留意了建行近幾個月的走勢及成交,發覺連續三個月成交金額回升,而且月線陰陽蠋都連續三個月現陽蠋.故已叫網友留意破位.

橫行9個月急升係好正常,而家有回套都係好正常, #939 你肯定冇買錯, 你跟本唔駛驚, 你只是入得唔靚, 建行現時走勢有小瘕痴,就是升勢中出現了一個上升裂口係3.89-3.94之間未補回,故此,如閣下見建行回調至$4 邊緣, 你可以再加注溝淡. 而家建行仲係好落後,建行的市盈率是五隻上市中資銀行股最低,但論質素計,應同 ICBC 平起平座, 包尾應該係 #3988, 故此建行的股值低純粹技術因素,並不是基本因素,故此只股破了阻力,理應可再看高一線.

本人最近都捉到幾隻破位股,收獲甚豐,全部都是剛破位前少少追入分別是:

#54 , 幾日前 $23 追入
#882, 幾日前 $5.3 追入
#716, 11月17日 3.88, 追入, 點解要買#716 ? 因為#716 之前趺咁多是因為業績唔好,業績唔好係因為啲貨櫃趺價,而家啲貨櫃加番晒價,去番成2000 美元一個, 你話#716 會唔會仲咁平??今日收$3.9 , 上升阻力位係3.91,即50天平均, 最近幾日已經升破10天及20天平均, 我肯定#716 有大把水位走, 因為而家係低位. 你可以留意.
另外,我已密切留意比亞(敵),我仲未入,只係留意緊.

閣下說相比工行，建行從2.35己升了1.75元，但工行從3.07到4.1只升了1.03元，現在買工行比，建行好些嗎？其實唔可以咁比,上市時 PE 唔同, PB 唔同, 上市日子長短都唔同.建行其實係好落後,請看本人11月13日之回答重溫:

當時網友問題是#1398 會否升$4 ?

不如我用一個有趣的數學方式去分析,我用了五隻上市的中資銀行股作比較,分別是建設銀行#939, 工商銀行#1398, 交通銀行#3328, 招商銀行#3968, 中國銀行#3988.

#939

#939 上市日期係 05年10月27日, 當時招股價係 $2.4, 至11月10 日的市價是$3.66
上市至今已383日(包括假期),累積升幅 $1.26, 累積漲幅 52.5%,平均每天漲幅 0.14%
現距年底尚有48日,按該股保持每天平均漲幅 0.14%. 年底見 $3.82
如該股按五隻銀行股平均漲幅每天漲 0.57% 年底價是 $8.29

#1398

#1398 上市日期係 06年10月27日, 當時招股價係 $3.07, 至11月10 日的市價是$3.66
上市至今已18日(包括假期),累積升幅 $0.59, 累積漲幅 19.22%,平均每天漲幅 1.07%
現距年底尚有48日,按該股保持每天平均漲幅 1.07%. 年底見 $5.23
如該股按五隻銀行股平均漲幅每天漲 0.57% 年底價是 $4.22

#3328

#3328 上市日期係 05年6月23日, 當時招股價係 $2.55, 至11月10 日的市價是$6.77
上市至今已509日(包括假期),累積升幅 $4.22, 累積漲幅 165.49%,平均每天漲幅 0.33%
現距年底尚有48日,按該股保持每天平均漲幅 0.33%. 年底見 $7.17
如該股按五隻銀行股平均漲幅每天漲 0.57% 年底價是 $10.64

#3368

#3368 上市日期係 06年9月22日, 當時招股價係 $8.55, 至11月10 日的市價是$14.16
上市至今已53日(包括假期),累積升幅 $5.61, 累積漲幅 65.61%,平均每天漲幅 1.24%
現距年底尚有48日,按該股保持每天平均漲幅 1.24%. 年底見 $19.24
如該股按五隻銀行股平均漲幅每天漲 0.57% 年底價是 $13.47

#3988

#3988 上市日期係 06年6月1日, 當時招股價係 $3, 至11月10 日的市價是$3.41
上市至今已166日(包括假期),累積升幅 $0.41, 累積漲幅 13.67%,平均每天漲幅 0.08%
現距年底尚有48日,按該股保持每天平均漲幅 0.08%. 年底見 $3.53
如該股按五隻銀行股平均漲幅每天漲 0.57% 年底價是 $6.65

五隻銀行股平均漲幅計算是 (0.14% +1.07% + 0.33% + 1.24% +0.08%) / 5 = 0.57%

好明顯,中國銀行是大脫腳,原因:
(1) 人民幣升值,唯獨對#3988不利,因#3988要蝕匯價
(2) 資金盲目追逐其他強勢金融股,引致資金不足分配而形成落後
(3) 相比其他大陸銀行股,除了有中國兩個字之外,不見有什麼個人之處,最值錢是有#2388個仔
本人建議 #3988 是值得吸納,理由是相比其他中資銀行股是嚴重大脫腳,由於染藍關係,不排除會追落後,但從基本因素看,都仍然會落後其他中資銀行股.保守計是 $3.6

建議 #1398 吸納,從基本因素看, ICBC 不是突出而是中規中距,故應該是同其他中資銀行股平均同步,染藍是遲早問題, #3988 上到,冇理由 #1398 唔得. 年底見4.2,應該冇問題,但按該股現時平均每天漲1.07%, 年底見5.23 機會不大.因為好多是升幅是一上市即時炒起10%,所以上市日子短,平均每天漲幅是被拉高,當上市日子長了,平均每天漲幅應該收窄.

#3968, 從以上計條數睇,本人覺得係炒過龍,如果照現時平均每天升1.24%,年底咪$19.24, 你地睇吓佢嘅 PE係幾多先! 股一定係好股,不過肯定高過頭,強勢麻,我就唔追等佢回,好似馬仔跑長途,頭兩段開22秒,我就唔信你段段都係22秒.

#3328 近牌升好多,其實平均升幅計,交行都唔係好過份,質素亦十分好,不排除仲有少少水位.

YOKI WONG

佢 Size 唔細,
佢可以係短時間升到呢個價位,
以及依家係金融股嘅潮流,
但當市場焦點唔再係金融股嘅時候,
好快會回條,
小心....

業余買股的話, 最好是長期來看, 短期的操作必需比較專業才有多些機會, 長期來看, 國內的銀行股都非常有潛力, 因為中國仍是發展中國家, 而且整體是向好的投資環境轉化, 競爭雖會加劇, 但機會及增長幅度相對己達頸樽期的老工業國要大多了, 所以長期以短則三年, 長則十年來看, 不需擔心, 必定會昇幾個開. 希望這種投資理念可以幫到你