廿分問題之一：人如何發掘自己的優點和發現自己的缺點呢？

我覺得呢個問題真係好難答,而且我亦好想知道真正既答案,但係在我知道之前,我先講下我自己既想法先啦.

我覺得有時優點同缺點都唔係絕對既野來.只係視乎對象以及時間, 因為每個人心理都唔同,而且係唔合適既時間做合適既野,甘就優點都會變個缺點. 發掘優點及發現缺點,我覺得最基本既方法就係注意人地既評價,唔係要去介懷,而係係聽到人地既評價後再檢討一下自己,究竟人地講既有無道理. 聽到好評時,當然會開心啦,但唔好得意忘形,聽到劣評時,亦不用太惆悵,細諗下人地及自己既言行,自然能做到你所講既: 發掘優點和發現缺點.

以上既係我個人既諗法,希望可以幫到你啦!

1,好簡單,你所努力學習的書本和多做的事從而得到的個人技術,
之後經過努力和做事產生的個人品行都算是優點。
可能會有好多優點,即是多多努力便可。
2,缺點就是以上的相反,
你少做的事或少學習的東西,自然你自己不會識做,
咁你找個識的人幫你手,就係佢d優點;你唔識,你缺乏左呢方面,就係缺點囉。
3,這2者解作做事方面比較好,
因人品和性格是客觀的,每人對你的感覺都有所不一,
若用在人品方面比較難以評價。

問朋友..........因為朋友係自己的一面境，可以比到客觀意見。

人每日都會在世界經歷不同既事, 不同既事需要不同既處理或回應方法. 小至俾人問路, 大至同邊個結婚, 揀做邊份工. 你需要用自己既智慧或能力去做決定.

從唔同既處理方法, 你就會見到自己既優點同缺點.

當你發現自己份糧月月都無得剩, 原因係有幾多使幾多既話, 你就知道你既其中一個缺點係洗腳唔抹腳. 當你知道自己計數叻寫文章唔另既時候, 你又發現到你既一個優點同一個缺點.

其他人話你知你有呢d果d優點缺點, 亦係一個參考. 但考到50分既人覺得考到70分既人叻, 在考到90分既人眼中, 考到70分就係唔叻. 所以只可以參考, 唔好信晒.

最可信既就係, 如果你能克服以往既缺點(如大使)變成優點(如慳家), 咁果d就真係你既優點勒!