隻狗唔夠奶點算呀????
2006-11-17 5:22 am
我隻狗啱啱昨日生左9隻bb,我隻狗係金毛尋回犬,我覺得佢好似唔係好夠奶,我應該比d咩佢食可以多d奶呀???仲有呀我買左d狗奶粉,但係d bb唔飲點算呀????
回答 (3)
2006-11-19 4:56 am
✔ 最佳答案
我隻金毛係七月果時都生完BB生左7隻～之後都覺得佢好似唔係好夠奶水～我果時就煲D木瓜魚湯(小心魚骨呀～)半個木瓜都可以飲2日嫁啦～南瓜湯～比狗媽媽飲～
飲完佢真係多番奶嫁～我重怕狗媽媽唔夠營養～除左比狗糧佢食重加雞肉,狗奶粉,葡萄糖,營養膏(可以比埋BB食)～
餵BB果到～用奶瓶餵d奶要熱熱地好似狗媽媽既體溫咁比佢飲前要吱D係手背試下會唔會太熱～餵既時後係放係BB咀既中間～前後前後咁郁模仿BB飲奶時手會按媽媽既乳房咁～
要爬係到比BB飲小心唔好比佢飲得太急～飲一兩擔就要休息下先再比佢飲～若果都係唔肯飲就要用針筒餵佢啦～
有咩問題都可以問我嫁～希望幫到你啦～[email protected]
參考: 自己
2006-11-18 8:36 am
你每次餵奶時先按媽媽個奶頭有無奶水出先, 越出得多奶既奶頭就俾比較細身或爭唔到食既bb先, 因為有d狗bb啜奶時唔知有無奶出都係咁啜架! 你又可以用狗奶粉用個奶樽餵唔夠餵既狗bb!
媽媽生完好攰架喇, 仲要一生生九隻, 要補充返好多營養架, 你俾多d烚鮮肉及狗糧佢食啦! 另外狗狗食飽奶時就要放去另一間房, 一黎媽媽先可以休息, 二黎又唔洗驚壓住bb, 但每隔兩個鐘就要抱bb返去飲奶, 如果唔係媽媽會發癲咁週圍搵仔架!
媽媽生完好攰架喇, 仲要一生生九隻, 要補充返好多營養架, 你俾多d烚鮮肉及狗糧佢食啦! 另外狗狗食飽奶時就要放去另一間房, 一黎媽媽先可以休息, 二黎又唔洗驚壓住bb, 但每隔兩個鐘就要抱bb返去飲奶, 如果唔係媽媽會發癲咁週圍搵仔架!
2006-11-17 10:19 am
可以俾d 尊係for狗媽媽+狗bb ge奶 d bb & 媽媽飲
仲有d盒裝狗奶架,,,,,我隻狗果陣都係唔肯飲奶粉但好中意飲盒裝奶
你可以try 下啦,,,不過個價錢會比奶粉貴
仲有d盒裝狗奶架,,,,,我隻狗果陣都係唔肯飲奶粉但好中意飲盒裝奶
你可以try 下啦,,,不過個價錢會比奶粉貴
收錄日期: 2021-04-12 23:57:30
原文連結 [永久失效]:
https://hk.answers.yahoo.com/question/index?qid=20061116000051KK04159