(急!!!!!!!!10分)巴西龜食的小魚有豐富的鈣質嗎?

一般巴西龜都會食魚, 因佢地係雜食. 我以前試過餵飯, 魚糧(夠平)佢地都食. 當然, 佢地都係比較鍾意食肉 (魚或蝦). 但你就會麻煩 d, d 水好快濁就要換水.

其實巴西龜淨係食魚既話, d 鈣質都夠, 夠哂營養, 會大得好快添, 佢地好多時會成條吞 (如果大d既巴西龜), 最多可以食佢地自己size 咁大既份量, 但 d 屎就會多好多. 我以前試過餵魚一排, 佢地不知幾開心, 但之後我頂唔順, 食得多屎就多, 餵番龜糧, 佢地就唔食, 可以餓佢幾日再餵, 又會食番.

你可以餵龜糧, 耐唔耐咪去魚街買 d 5 蚊袋既魚仔放落去, 有 d 魚仔游下都幾好睇, 而佢地自己會捉黎食. 有時佢地唔食, 但會捉黎玩, 到時你又要換水.

你想佢地多 d 鈣質, 最好放龜石(鈣片), 十蚊一粒, 一兩個月放一次, 同埋比佢地哂太陽, 咁你就可以唔餵魚仔都得. 放心啦, 巴西龜一般都好粗養, 唔駛驚佢唔夠營養, 10cm左右大, 你可以一個星期餵一次都得. 5cm 以下, 就隔日餵, 視乎你想佢地有幾大隻. 食得多, 屎就多, 亦大得快. 我自己試過餵平既魚糧, 佢地都食, 不過 d 色水就無咁靚, 當然餵貴既魚糧, 佢地又會靚色水, 反而要注意水質, 換水落 d 食鹽, 咁就 ok.

最好成條上，
但我建議唔好餵魚，因為會好腥，仲有好難咬開。
餵普通的豐年蝦比佢食都應該夠，
細細隻，5蚊一大袋，任何賣龜的地方都會有。
又或者比淡水蝦比佢食，平時我地人類食個d。
比一隻佢食，佢自己會食的，仲好有營養添...........

想有豐富既鈣質,當然係每樣野都餵d啦!~
魚仔:有d龜會唔鐘意食魚仔,甚至會折磨d魚仔,咬死哂但係又唔食...咁就要視乎你d龜食唔食啦!
蝦:Lee樣野連埋殼食,係會有幾多鈣質既,又可以訓練一下佢地既捕捉能力...

(你可以去水族館度買d龜糧俾d龜仔食,有d仲有分埋含肉成分同埋菜成分...)
(又有一d叫做龜鈣既野,不過Lee樣野我唔係幾熟悉,應該係將龜鈣放入去d水度)

想有豐富鈣質就最好餵蝦，連殼俾佢食