老公信得過嗎?

我諗你既占有慾好強同妒忌心好重, 其實我唔知你問你老公時的語氣是強硬還是輕鬆呢? 根據你上面寫的語氣我感覺是強硬帶點不高興的質問, 雖然我是女人, 但我都好唔鍾意哩d態度同問法。因為如果我是你老公會覺得沒有自己的空間, 我承認兩公婆應該坦誠, 但都要出於自願囉, 如果你好似審犯咁report俾你, 我諗邊個都唔鍾意。

既然你都話你老公係唔會做一些對你唔住的事, 咁不如你平心靜氣同你老公講, 你唔係想管住佢同咩人交朋友同來往, 只不過想你多給一點安全感給你, 所以麻煩老公你下次約朋友去街講聲我知同你d朋友會去邊, 咁可令我安心點。如果唔介意你可以多介紹你的朋友給我識吧。

我相信唔同語氣會有唔同效果出來, 鬧交不是一個好既解決方法。

唔好意思，我係好小心既女人，我係唔可以比那只有千份之一既可能性去發生(老公同 EX 愛火重燃)。老公識少一個『無謂』既朋友有幾慘者？咪去識 D 第二 D 人囉，點解又要同 EX 一起出外食飯者(仲要自己唔在場)！如果比我，當初我一定要佢同 EX 絕交添！(話我超級小器都係咁話)

老實講，做人真係唔使咁大方架，比人話句自己小器又點者，又唔會死既！但係如果大方完又要提心吊膽，或者要同人分個老公既，我令願比人話小器好過。今日 D 人可能仲可以話你老公可憐，行蹤要一五一十告訴你，你心軟？咁到時你老公比人搶左，邊個可憐你？世上唔止老公信唔過，真係係人都信唔過，真係信人者死架，我自己都係咁，你自己再考慮下啦。

P.S. 女人都覺得人地 D 野好 D 架，你自己都係女人，你明我講咩架啦。

祝 EX 早日消失

個個回覆O既人，差唔多全部都覺得唔係你老公唔O岩~~

當然包括我~~

又唔係大件事，唔使特登向你報告吓MA!!!
咁少O既事，每次都專登去花時間講清楚會唔會覆雜左D呢?

我覺得小姐你太過敏感了，
而且你唔係真心信任你老公、亦唔係真心俾老公同EX做返朋友咁LAW~~
放鬆心情啦...

而且有時你老公會去一D咁O既場合，你可以間唔中一齊去下同佢D朋友同EX食下飯丫~
咁你仲可以了解下佢多D，又可以放心D...

2006-11-16 16:11:45 補充：
我係男人

反而我想問下你, 你同男性朋友出街 (唔好話EX啦) 會唔會同你老公滙報? (你無咁做假設啦)

無錯其實一男一女都希望對方唔想同自己以外既異性做朋友, 莫講話EX, 分分鐘仲要單獨相處...

我做你亦希望佢會滙報, 但調個角度諗, 你老公會唔會唔想你唔開心/胡思亂想先唔同你講? 會唔會你同你老公了解&信任唔夠, 所以先發生咁問題???

我BF都有好多異性朋友, 甚至眾女一男, D女性朋友亦講明唔想BF 帶我出去; 而我同男仔出街, 亦會同佢講, 大家都唔會唔給對方去無自己既"異性聚會", 而相方知道後亦會有唔開心呷醋, 但我地會信任到大家, 呢種只係朋友&社交既一種..因為呢個世界, 無可能真係做到除左對方就無另一個異性朋友, 紅顏知己~

(當然佢地出黎有其他野....例如開房/上床另計啦~)

在一夫一妻的社會制度下, 男人係被迫祇娶得 1 個老婆; 如果多妻合法化存在,

好肯定 10個 有 9個男人都會娶多過 1個或以上

就妳和老公的(交代/報告) 可見大家彼此尊重同信任程度接近零

男人好怕人管, 因為大多數男人由細到大都被阿媽管, 男人本性無甚責任感,

亦因為這, 就唔想亦唔會向人交帶(昔日係阿媽, 今日係老婆都係咁話)

當然你可以向老公表達你的想法和感受, 好讓他清楚知道妳點解咁多疑心, 咁煩, 咁.....

如果你老公明知妳有小心眼又鬼咁敏感, 相信佢都會同妳作出適當的協調(有限度),

無理由把全部野 1, 5 又 1, 10 同妳講架, 試想佢一定覺得自己似個犯多 d,

將心比己, 下下都要知哂所有來龍去脈, 妳老公一定寧願妳裝個追縱器或私人探測器

俾佢好過囉 !! 咁佢就真係成個老襯, 從此被困了.......

按妳所形容的, 妳老公好多時都係一班人聚一聚(而 ex 在其中), 又唔係單獨約會,

會否係妳太緊張呢 ! 任何好的關係, 信任都是好重要架 ! 最好大家坐低, 搵個共職,

如果唔係.........咁都幾危危扶架 ! 表達感受唔需要大鬧一場喎....

我覺得作為兩公婆大家互相坦誠係最好, 但係小小私人空間都冇就大家都會感到好辛苦.

恕我直言, 其實你係重介意佢同ex有見面, 過基於要做一個大方嘅老婆所以才去接受嫁姐.

不如同你老公直接d 講, 你有唔開心, 始終佢地兩個相戀過, 可唔可以儘量少見或帶同你一齊去. 唔需要去到吵架嫁, 大家心平氣和講囉, 如果可以互相體諒下對方的感受就解決到啦.

男
如果一個人的個性不喜每事匯報. 你要佢咁做是很辛苦的. 我相信你老公都沒有怪過你多疑的性格. 你又何必埋怨他不向你每事匯報呢. 我認為一個人問心無愧.不需要向吃人解釋咁多. 在你老公的立場可能是自己本身沒有做過對你不起的行為. 一個正常的社交.有什麼問題. 要向你匯報反而是無事獻殷勤.
有時人與人相處.你不懂收放自如.反而會弄巧成拙.

我呀媽之前同過我個工人講過唔好信男人，要信錢，因為如果你老公真係同ex有野，唔理你，你都有錢用！！！

真係唔好意思講句.........我非常同情你老公........

你竟然要你老公同你報告所有野......包括講過咩,做過咩.........講少次, 就好似做左對唔住你既事.............

真係想問下你, 佢食飯果時有 ex 又如何, 無ex 又如何?

你以為 ex 係佢變心 / 對佢無信心既最大理由? 你完全錯, 你呢樣處理手法, 先至係

男 / 女相處最重要既信任, 你竟然要踐踏到呢個地步........一係你老公極唔可信, 一係你就極度多疑.......

真係好老實, 長久落去, 佢就算唔搵返ex, 都一樣會搵個代替品.......我覺得相反你要自己檢討下處理手法好的.........