我媽媽入咗老人院，但她完全唔適應．．．．．．．．．

我想問......如果你經濟有問題既......咁你媽媽入老人院係咪社署安排既呢?????
而家積極d既方法就係你地多d去探佢老人家,
同佢解釋唔係你地唔要佢, 反而係想佢住得好d, 有人照顧佢,
咁先想佢入住老人院......
同埋勸佢多d係老人院度搵朋友, 咁就容易適應d架,
如果佢真係好初期入去, 咁就要俾d時間佢適應,
始終佢都係一個人離家出去住嘛.....

如果過左一兩個月情形係一樣既,
咁你可以去搵社工幫手,
睇下可唔可以安排你媽咪返屋企住,
咁每人搵社署人送飯同埋有人上黎睇下佢,
再係屋企裝埋平安鐘咁.......(如果佢身體可以既話)
如果佢身體唔太好既, 一定要搵人照顧起居飲食既,
咁你都可以搵社工睇下可唔可以申領綜緩呀......

2006-11-16 13:18:52 補充：
千期咪聽樓上個位咁講問銀行借錢,長貧難顧呀........借左都要還喇.而且仲要利息........仲令你地陷入困境呀

每個人要轉換生活環境,都要一個適應期,可況是一個老人家呢,如果你們有時間,最好開頭每天都去探下佢,同佢傾下計,了解下佢有咩問題,好多老人家都擔心子女把他們送左去安老院後,就唔理佢....,我相信如果你媽媽行得走得你都唔會比佢入去啦,就係因為佢需要人照顧先送佢入去,如果你家姐自己一個人照顧,可以長期做到嗎....?

我之前都係老人中心做過既, 如果你呀媽係冇自理能力又冇social network的話, 最終就只有去老人院一途喇, 因為社工最多只會轉介長者去老人院, 仲要排期排好耐果隻, 不過未去到入老人院之前, 都可以申請d送飯服務, 家居清潔or購物服務頂住先, 不過都係要錢架, 不過有政府資助會平d law~不過呢d服務全部都要社工評估同轉介架, (同埋我唔sure若果長者同仔女同住能夠申請成功架)有咩問題你可以去你屋企附近既"長者綜合服務中心"DECC問下果度D社工, 我諗佢地會有D專業D既意見幫到你既~~

問銀行借錢請個鐘點工人吧