關於狗瘟能否康復

狗瘟絕對有機會好返，但主人一定唔可以放棄同耐心，因狗瘟唔會好似傷風感冒咁快復票。

年幾前我買左隻八哥返黎都係有狗瘟，仲要禍不單行遇到個無醫術既無良獸醫，醫到得返半條命仔兼盲左一隻眼，最後轉左獸醫，留醫打血清一星期，就慢慢好轉左，但你要有心理準備，狗瘟好有機會有後遺症，例如肺炎同皮膚病，因為狗狗比狗瘟打到抵抗力差左好多，所以好容易有病，你可以視此為過渡期，要keep住留意狗狗狀況，呢段期間唔可以偷懶，就算狗狗有少少唔舒服你都要第一時間打電話問獸醫或覆診。

從你既描述你既狗狗係頭階段既狗瘟，因為狗瘟到最後會入侵神經性系統，會令到佢抽筋，如到此階段就真係會好危險。

其實如果你留醫左一段時間，如獸醫表示狗狗情況好轉或穩定，盡可能帶佢返屋企照顧。因為獸醫提供留醫既地方通常都頗為細小，係個度留得醫既狗狗大多數都係重病 ，如果隔離隻狗狗Ｄ病菌好勁既話，留醫其實都有一定風險。

你可以試下以下方法：

1. 搵個有信譽既獸醫。( 注意，有信譽唔一定代表會百份百可以醫好，有時縱使獸醫盡了力，有Ｄ病情係救唔番都好無奈，但最少要証明佢有一定既醫術同責任心。)

2.spca教我如果狗狗鼻塞或呼吸唔暢順，你可以試下加少少簿荷膏落盆熱水度比佢聞，佢就會舒服D喇。我就會放0係個籠出面再用一條大毛巾連籠帶盆一齊蓋住，咁佢就可以聞到，當然唔好密封，摭一摭就得喇。

3.近日天氣轉涼，保溫好緊要，經常準備一個暖水袋係佢既住處，佢覺得涷會自動走埋去。

4.spca教我為增強抵抗力，可餵康鈣Ｃ，每日一片開水。

5.盡量令佢食多Ｄ野同飲多Ｄ水，暫時無須限量，去獸醫度買高營養罐頭，輕微加熱令食物提高香味吸引佢，再唔肯食就將罐頭加少少水用針筒唧入口，唔好覺殘忍，唔夠營養一定好唔返。至於餵水可加少少葡萄糖水令佢多飲，請放心，所有方法都係獸醫或spca教既。

6.經常留意病情，因Ｄ病毒可週圍走，例如發現眼睛突然多左眼水，都有可能係感染左，要即刻睇獸醫。

7.暫時絕不能沖涼。

8.最後一點係唔可以完全倚賴獸醫，要時時刻刻留意狗狗病情。

我既狗狗經過連番博鬥後，最終死裡逃生，雖然變左單眼小狗，但而家已經完全康復，身體都算強壯架，仲成日行山，所以放心啦，一定可以好番架

我之前的狗都有狗瘟～醫生一直都只係開抗生素比佢食情況時好時壞～醫左成個月都醫唔好最後先知個醫生跟本就冇醫到只係食抗生素冇用既～～所以真係要揀個好既醫生～
打血清係醫狗瘟既最後一步～若果佢有好轉既～好番既機會好大～
因為E個病唔會直接拎狗狗條命～個病係要長時間去醫～～
佢冇晒D綠色黃色分秘物就好番嫁啦～
比心機呀～

狗仔有狗瘟, 真係9死一生, 而家99好番, 真係鄧你開心, 你要好好珍惜呀, 比心機養佢呀.

其實狗瘟未必係無得醫, 要睇狗狗係咩品種, 如中至大種犬比較易醫, 因為抵抗力較強, 而小型犬就虛弱d, 但都未必無得醫, 要睇佢生存意志及趁早醫, 同埋肯唔肯食野, 肯食野的話就有力打仗, 同埋你真係要好小心照顧佢, 要定時餵佢食野, 唔食都要塞落佢個口, 唔好冷親佢, 最緊要支持佢, 你要有心理準備, 起碼要醫一個月, 唔好諗住好返少少就鬆懈呀! 只要佢肯食野就有得醫, 但你亦要小心記住幫佢抹身, 因為佢唔沖得涼, 無幫佢清潔的話好易會有皮膚病! 你唔好咁担心啦

bb小狗有狗瘟通常得30%可以康復的 聽你的情况真是恭喜了!!!
現在你應要很小心照顧牠
首先未打齊針前不應在街上行 因太多病菌了 (即頭三支+瘋狗針)
現天氣開始轉涼 早晚你應在牠的身旁放一個暖水袋每四至六個鐘換熱水確保牠不會冷嚫
因牠的身體還很弱哦!!!