好想有ＢＢ但努力了半年也没用好煩丫！

首先, 無論你的周期是多少日, 排卵期一定係來經前的14-16日。但有月經不代表有排卵, 有排卵又不代表你冇輸卵管閉塞。你出現季經可能已係賀爾蒙失調現象, 所以應先以調經入手。我足足醫了一年才成孕, 所以你不必太緊張, 當年我量了10 個月體温, 一快到排卵期附近就迫我老公, 不理他忙不忙, 攰不攰, 結果影響了双方感情, 丈夫更曾一度想放棄 。 後來醫生勸我們先休息一兩個周期, 放鬆心情後再試, 結果2個月後就有喜了。不孕有很多因素, 盲目亂來反會徒勞無功。以下是我的治療經驗:
1. 最快得到結果的檢查係先check男方的精子是否正常, 很多時男方都怕尷尬拒絕, 但這是關鍵之一, 如果只在你方落藥, 但原來問題出在他身上, 不是白費心機嗎?
2. 女方量體温, 計算排卵期,
3. 在排卵期前減少性生活, 到臨近排卵期4-5日, 隔天行房, 因精子能停留在輸卵管2-3日, 這等於令輸卵管成為一間精子銀行, 等待卵子來臨, 而卵子只有24小時壽命。 我的產科醫生說就算撞正排卵日行房, 成孕機會也只得1/3 。
4. 檢查體温表, 體温下降至最低點就是排卵日, 但若體温須多天(超過3日)才下降至最低點, 表示賀爾蒙分泌不是太好, 可能要服食刺激排卵的賀爾蒙藥/打賀爾蒙針, 但副作用是可能會誔下多胞胎。
5. 我的醫生建議服用了6個賀爾蒙藥仍未能成孕, 應接受一次輸卵管有否閉塞的x 光檢查。
6. 每次行房, 應以最深入的姿勢, 完成後不要如厠/沖涼, 以一個枕頭墊在大腿之下, 令精子能盡快到達輸卵管, 因精子的活動力會不斷減退。
生bb要求双方合作同諒解, 不要太緊張, 要知情緒、賀爾蒙分泌和成孕有莫大關係, 只要靜心等待, bb一定會降你家。
祝早日馬到功成

2006-11-20 23:53:41 補充：
不能單看一兩天的體溫, 否則神經衰弱, 要知體溫只有好輕微的變化, 有時量體的情況不同也會有點差異, 所以我會把溫度計放在床頭, 每朝一醒眼就即刻量, 有時醒了眼但賴一兩分鐘床才量差異也會很大, 而且排卵期體溫也不一定直線下降, 有時間中也會有0.1-0.2度的波幅, 不過排卵日應為成個體溫折線圖的最低點。不知你有沒有接受藥物治療, 輸卵管x光檢查和血液的賀爾蒙水平檢查,預測排卵期只是方法之一,如欲盡快懷孕還是最好向產科醫生求助。不知為何逢是yahoo知識轉發的電郵都亂碼, 通常我要再由yahoo知識網我的回答頁翻看紀錄, 所以你還是用你的郵箱 send e-mail給我。

我有個方法係醫生教, 你可以試下,
你同你老公做時用枕頭放係你下面, 即係你會斜斜地,
做完之後, 你老公唔好動, 先等幾分鐘。
我有朋友結婚6年都冇BB, 用呢個方法就得左,

希望你快d有BB!

你呢個問題,曾經發生過0係我自己同我老公朋友夫婦同我妹好朋友身上,我十幾歲嫁0左
俾我老公,兩年以來一直冇避孕,都冇ＢＢ，以為自己冇得生，因我都幾傳統，我接受唔到自己冇得生，睇醫生做好多０野都一樣冇用。而我經期一向都唔準0既,點知有一次我經期有兩個月都好準喎(冇食任何藥物)0個陣我好開心啦,唔使成日唔知0的經幾時0黎咁煩!點知第三個月就有BB,我都一下子接受唔到,想要時就冇,唔在意突然搞出人命,之後我都好開心,終於有0左。生完第一胎之後就食避孕丸,到差唔多三年幾後想生多一個就停止食藥,咁0的經又唔準喎,到有第二胎之前,0的經又自己準番,跟住又有第二個。我個妹都係咁! 直頭有預兆咁。而我老公朋友夫婦結０左婚成十幾年，之後先有一個ＢＢ。最近我妹又同講０左佢身邊一個朋友例子，話佢朋友結過幾次婚，但幾次婚姻想要ＢＢ都無得生，後尾嫁０左而家個老公終於生０左個ＢＢ啦！個女人差唔多由第一段婚姻到而家呢一段婚姻裏面大大話話都等左十幾廿年先至生到個ＢＢ，唔係大家有問題，應該係夾唔０岩受孕時間。你放鬆心情，唔好太著意住佢，順其自然啦，如果你愈緊張就會愈唔好，我當時都好似係一樣，好想有，但都努力好耐，唔得，之後就失驚無神有個（驚）喜啦！

2006-11-16 09:16:36 補充：
我都祝你早日如願以償，快０的生番一個健康可愛又孝順０既乖寶寶！