BB 女課外活動

其實每一個小朋友嘅喜好都唔同，你應先了解你囡囡對邊方面嘅嘢比較有興趣。如果佢鍾意跳跳紮紮就應該比佢學跳舞。如果佢對音樂有興趣嘅就可以比佢學吓樂器或唱歌。如果佢喜歡攞住支筆嚟寫吓畫吓自然就喺佢學畫畫啦。
不過喺參加任何活動之前，都應該先問問囡囡有冇興趣參加，如果只喺你自己想比佢學D嘢，而佢根本就一D興趣都冇嘅話，佢反而會覺得好辛苦，嚴重嘅會影響佢對所有事物嘅學習興趣。
就好似我囡囡咁，幼稚園嘅課外活動其中有一個〝珠心算班〞，我諗住比佢學吓，等佢個腦筋仔靈活D (當然我冇問過佢鍾唔鍾意)。頭兩堂佢都冇乜嘢，之後每逢要上珠心算班果日，佢一返學就會喊，跟住就日日返學都喊，最終我問佢因咩事返學會喊，佢就係話比我知佢唔鍾意學珠心算，所以唔想返學，我知道後即刻取消左，佢就開開心心咁上學去。
另外親子活動對父母對小朋友都有好好既幫助，唔好成日都只係帶佢地行街買嘢呀冒險樂園呀，同佢地一齊做D有益身心既活動，得閒帶佢地去吓公園 (例如香港公園﹑動植物公園甚至屋企樓下D公園仔都好)﹑行吓山﹑參加學校D咩遊行呀，好似我老公養魚既，得閒都會同佢地行吓金魚街，好好享受一吓家庭樂。
以上係我個人經驗同意見，希望大家可以一齊分享吓。

先考慮兩方面：

1. 為培養興趣？
只要有益身心，樣樣都好。
其實，多留意囡囡的行為，再配合適當培養，會易入手啲，佢學習上耐性多啲。

2 .為升學？
現時升中學(想有多啲選擇) 附帶條件，最少識一樣樂器，要有證書的。

建議學畫畫~
可以練耐性~第時讀書坐得定~
唔洗太care畫左d咩出黎~