幼稚園教師

而家請幼師通常都要求你要識彈琴/電腦/繪畫/舞蹈,仲要有 QKT資格, 但d人話遲d 2009/2010左右又話QKT吾得要人有CE先得,即係浸會果個higher diploma, 我之前讀浸會夜間QKT,都幾易讀,每科有考試,吾難。我做了8年幼師,初時都like小朋友有愛心,但越做個心態會變，(我認識的老師都係)，會變得無耐性，易怒..而家d小朋友比以前naughty好多。仲有你知道幼師除了要教書，要做有什麼? 學校成日攪活動，又話參加呢樣果樣，寫教案、評估、出卷、佈置壁報、擔興趣班...好多煩野，放左工成日都要帶學校野返屋企做，仲要睇你做邊間，你有無聽過有d老師做到要係學校訓覺? 仲有，而家d家長知識水平比以前高，有些家長都幾難應付，小小事都鍾意投訴，鬧你....d細路好似錄音機咁將日常發生既野/老師既野返屋企匯報..有d學校仲衰會裝閉路電視監察人，無哂私隱。講真以前呢行都ok，而家就要求高高人工低低lor,仲有女人多既地方寧捨多是非攪小圈子...香港出生率係全世界最低，細路少，d幼稚園成日執粒，又縮班裁員，前境吾好，我而家已辭工找其他行，你入左呢行，都幾難搵第二行工，r呢行既出路都幾窄，聽有d人話會睇吾起你，認為你只識教書湊仔，教下ABC lor。 所以你要認真考慮呢行，認識多d呢行既行情，以上係我及朋友做咁耐既經驗，希望對你有用處~

無愛心無謂誤人子弟

現時的幼稚園/或幼兒園一般都需要老師有會考五科合格, 但係如果你唔決定係香港再讀考會考, 你或可考慮係香港既國際幼稚園任教英文科, 因為很多國際幼稚園也會定期請英文科老師, 況且你在英國讀過書, 英文都應該較一般人好, 應該無問題的.
到真係有國際幼稚園請了你後, 你或可請學校推薦你讀書, 但之後都可能要補考會考