一切都是錢作怪?

你講得無錯，我都不是有錢人，但是每個人隨住時間長大，就會發覺每一樣事情都是跟金錢掛鉤。就算連三歲的小朋友，他們都知道錢的重要性。

我地小時候要比心機讀書，就是為了大個可以搵多d錢。

我識一些比較有錢的朋友，他們都有打高爾夫球，我問他們好不好玩，他們都會話唔好玩，但是為了身份象徵，所以一定要識玩下。

有錢屋可以越住越大，車越坐越細 ..... 無錢就死啦，屋越住越細，車越坐越大。

講真 .... 如果無錢，想食餐好少少都難，日日咪去茶餐廳食囉。無錢想識個女仔都難啦，唔通佢會日日同你捱白飯咩 !!

講到享樂就更加唔使講啦，有乜娛樂係唔使錢架，唔通真係日日走去行公園咩 !!

2006-11-15 17:57:05 補充：
無錢真係朋友都少d架，除非你面皮夠厚囉，叫人地出埋你果份，如果唔係就只好唔去。一次叫你唔去，兩次、三次仲有鬼人叫你出去玩咩 !!

我唔覺得係，首先，乜野為之無錢？也野為之有錢？每個人對錢都會有唔同既定義唔同既睇法，　有人為左賺錢不斷工作，研究投資，咁又代表佢地會有好多朋友？有時間去享樂？有人選擇做政府工，穩定，搵少d,但有多d時間陪朋友，家人；我覺得做朋友係講心唔係講金，同自己有無錢唔係太大關係，可能你身邊既人都比你有錢，你覺得埋唔到佢地既圈子，佢地既生活方式唔同，e.g.成身都係名牌，不過咁都唔係一個問題，會唔會係佢地看低你／你看低你自己？如果你話想要朋友，只要大家投契／同相同興都可以做friend, 而地位方面，有錢人一定有好大既幫助，但無錢又代表一定無地位咩？李嘉誠都係白手興家ga la, 你都可以；你話享樂方面，我細個時屋企都好窮，人地有lego, barbie玩，我乜都玩具都無，但我都好開心，落街搵人同我玩何濟公，紅綠燈，屋企有我妹陪我傾計，畫畫，同親戚玩role play,扮老師，廚師，一樣可以有開心既童年，做人最緊要係知足，唔係越多錢就越開心既

2006-11-15 12:31:02 補充：
你或者睇下e.g.宣明會d節目，人地非洲好多人無錢，無乾淨既食水，無安定既居所，無書讀，但佢地有個波玩下，拋下石仔當玩具玩都可以好開心; 有無天生殘缺，盲，無左雙腳... 不幸的人也可以積極面對，如果你成日諗住自己無d乜，不如諗下自己擁有d乜，珍而重之

好多野都係由零開始

一分耕耘 一分收穫

無免費午餐架 !

無錢 ? 搵野做喇, 有手有腳, 睇你肯唔肯捱 (不合法的唔包括)

無朋友 ? 先反醒一下自己係個點o既人, 無o既原因一定搵到, 搵唔到除非你唔多願意去改好自己吧 !

無地位 ? 想要一個點樣的地位先 ? 洗廁所都可以係一個好好的廁所長, 貨倉執貨都可以係

一個好的倉長喎..... 睇你點睇喇 !

無享樂 ? 餐餐大魚大肉, 鮑蔘翅肚, 可以飲一杯乾淨的清水, 坐係街邊都可以係好享樂喎 !

都係呢句......... 睇你點睇 !! 睇人 ? 同人比 ? 真的咩都唔及, 咩都無 !

不用怕,你ba　E-Ma||我,我每日同你談天

自己努力爭取!