✔ 最佳答案
後防速度欠奉,面對里昂及阿仙奴的兩翼側擊會很輸蝕,對阿仙奴最多打和(1:0),應該唔會輸,但對里昂就好難講,要睇人哋出咩人,因為里昂每個位置都唔缺人,若然佢玩速度呢個陣就絶對玩唔起,尤其係格羅素嗰邊,條友成日上去助攻,一俾人打反擊就好大鑊,因為無論係高禾、韋托特定係卡士唐都有技術有速度,要起碼兩個人跟。另外,里昂一條中場線個個遠射都有番咁上吓,所以我建議你一係將格羅素推前打翼,一係用加度素取代,打兩個防守中場,而兩個巴西人就俾佢哋自由發揮,朗拿甸奴主要控球,而卡卡就做入楔同遠射。另外里昂後防頭槌不俗,傳中同長傳難唔到佢哋,要入波就一定要用地面攻勢,呢場波會係五五波,但里昂應該會佔上風(0:1)。建議用大衛韋拿取代杜奧巴打前鋒。
對曼聯的話呢個陣更加有一個隱憂,中場創造力固然不容置疑,但截擊力就略遜一籌,史高斯等重炮手大可放心遠射。曼聯應可小勝(1:2)。建議用基拔圖施華或波歷克代替簡拿華路,打多個有截擊能力同遠射能力的中場。
我可以肯定,呢隊波對車路士的話,場波會好悶或者由車路士主導,因為兩隊都屬穩守型球隊,但車路士應該可以小勝一至兩球(1:3)。建議用費蘭度托利斯打單箭頭,加入希比在中場線後上助攻。
利物浦應該唔會對呢個陣構成威脅,呢場絕無輸波的餘地(2:0)。