澳門碼頭附近有特式或好吃的早餐可介紹嗎?~~急

澳門碼頭最近新口岸，而新口岸以景觀為主，唯一一間主題餐廳(米奇老鼠)在新口岸海景花園利景閣J舖1293號，特色食品有四色厚多士($15)及一般台式小食及飲品，景觀一流。

亦可乘車(3、3A、10、10A)到新馬路，這是遊客必到之處，特別推介一間名為餃餃鎮的食店，每次我到澳門都會在那裡吃早餐，是住澳門朋友的首選，地點在板樟堂街與伯多祿局長街那條路，你會經過葡文書局，過了書局不久後，會見到沿路有條窄窄的直巷，都是放單車的地方，盡頭毫是這店。這店的特色是有很多款美味的餃子、小籠包等小吃，還有超好味的豆沙鍋餅，不妨一試，價錢合理。

以下提供少少資料給你參考, 希望你有用啦!
1) 到達澳門先去食D嘢,可以去食煲仔魚翅$35/@,於十月初五街近新馬路!
(佢D煲仔魚翅好底食呀!非常真材實料呢!(有真魚翅, 海參, 竹笙, 金華火
腿及鷄絲)
2) 食完野可以去行下大三巴, 拍照等, 行完肚餓的話可以食嘢!我唔知道全
名呀!都係在噴水池附近的(招牌紅色有隻熊貓,佢對面有一間雪糕店的)
可以問下人, 大約在BODY SHOP斜對面的橫行行入去的, 佢的招牌米
好正呀! $20記住要辡沙湯底呀!唔係好辡但味道一流,(材料十足呀!有魚片,
尤魚, 牙菜, 紅腸,蝦,鷄絲)而且每款材料都有五件呀)
3) 如果唔鍾意, 可以食間出名D但就貴D啦!你預大約$150一個人, ------------
九如坊(在噴水池附近)
4) 食完嘢可以去下新開的賭場參觀下好靚呀! 永利渡假村, 在葡京對面, 可搭
的士大約$15, 如識路可以行去約15分鐘, 或者可以搭巴士於葡京行去!
5) 可以去觀光了, 可以去澳門的博物館, 因為都幾多野睇呀! 可以問酒店
服務生,因為有套票可以FOR幾間博物館的, (澳門博物館, 紅酒博物館,
賽車博物館, 消防博物館, 海事博物館)
6) 跟住可以去(TUMP)仔食豬扒包, 咖哩魚旦尤魚, 大菜糕, 木槺布丁
7) 仲想行下/玩下, 可以好走巴行, 近住觀音的可搭的士大約
$30,飲下野,氣氛唔錯呀! 露天有海景, 有些巴仲有 LIVE BAND 呀!
8) 仲可以過珠海(拱北)石景山公園有小型賽車玩呀! 在拱北關搭的士約$25.
9) 亦可以去按摩, 於(益健) 在關口附近. (好底呀! $30一個鐘, 都幾好呀!而且
最重要係清潔)
10) 可以於拱北邊行邊食, 因為有好多野食!
11) 若果唔係可以回澳門, 以下有些資料給你.
- A) 九如坊葡國菜館: (噴水池附近, Tel: 331-818) 木糠布甸; 最出名
焗鴨飯
- B) 小飛象: (Tump仔, tel: 827-888)
- C) 大利來記 : (Tump仔巴波沙前地18號, tel: 827-150)營業時間：
早上6:00 - 晚上6:15 (豬扒包,咖哩魚旦尤魚)
- D) 瑪嘉烈: (路環果間 tel: 882-534) 食葡韃,
- E) 公雞葡國餐廳: (Tump仔, 木偶果條街入面, tel: 827-423, 827-318)
- F) 義順牛奶 : 地址：議事亭前地7號 電話：573 683
- G) 禮記雪糕 : 地址：荷蘭園大馬路12號 - 12號A 電話：375 781
推介：香芋雪糕(4元/杯)，芒果雪糕(4元/杯)，雪糕磚(26元/磅)，
紅豆雪條(3元/條)，蓮花杯(6元/杯）。
- 仲有漁人碼頭呀! 一定要去行下呢! 尤其是晚上呀!, 佢裡面有好多特色
食店及酒巴, 晚上去仲正, 現在唔係好熱, 可以坐露天的坐位, 非常有氣
氛呀!!!!!!不防試試啦! 就算唔食野, 行下都冇防呀! 濠璟酒店

早船去, 出了碼頭後有咩食的好介紹呢?

如果唔離開碼頭範圍內又要等人, 就係碼頭內 2 樓的小茶餐廳

雲吞麵, 豬仔飽, 奶茶, 咖啡都不錯架 !

早船有幾早到呢 ? 如果 10點後可以搭扶手電梯上2樓, 穿過街外

行人天橋, 通往新八佰伴商場 4樓的美食廣場或酒樓, 如果個間酒樓無轉過手,

個度d點心都好好味架 !!

have a wonderful trip !