本人家中已有一隻小牧男仔, 半歲大, 4日前剛買了一隻小牧女仔回家, 本希望他們可成位一對, 互相有個伴, 現在新小狗是2個多月大的, 我放她在籠內, 有空的時候, 我會放她出來, 而我已經很公平地對待他們, 不會特別愛鍚其中一個的, 給他們食物也分先後, 大狗先吃, 吃完就到小狗吃, 但有以下問題出現:
1. 大狗好像不喜歡小狗, 當我放小狗出來時, 他好像想咬她, 每當這樣我會叫停大狗, 但不是罵他的, 因為我怕大狗會更加不喜歡小狗.
2. 給他們食物時, 我會先給大狗, 因為要讓他得到尊重, 但當給小狗吃時, 大狗就會搶著要吃小狗的食物, 我不知如何是好.
請問各位高人, 我而家應該點做呢, 係咪唔任何時間都唔應該放小狗出黎, 要一路放係籠裡面? 到底大狗係咪真係想咬小狗, 定係想同佢玩呢?因為大狗本身都半歲了，身型大小狗好多，我怕佢可能冇心整親小狗，但唔覺意都會整傷佢．我好擔心一路落去佢地如何相處，身位主人的我，應該點樣幫佢地建立好既關係呢?
家中已有狗仔, 剛買了新小狗回家, 想請教如何相處?
2006-11-15 10:54 am
回答 (4)
2006-11-15 12:40 pm
✔ 最佳答案
其實你又唔使刻意分先後去餵佢地, 因為狗就好似人一樣會有脾氣. 你咁樣只會梗加比大狗知道佢係大亞哥, 持寵身驕. 你可以一齊餵佢地食野, 大狗既野食就放遠離籠既出面, 而細狗就放入籠餵.平時你放細狗出來果陣要一齊同佢地玩, 而家有D玩具係可以兩隻狗一齊玩. 咁樣可以比佢地熟絡D.
仲要得閒同隻大狗講野(例如:因為我唔想你咁悶, 所以買隻細狗返來陪你,你要同佢做好朋友), 比D信心佢, 唔會因為隻細狗而忽略佢. 佢雖然會唔知你講咩, 但日子以久會感受到.
希望你成功!
參考: 睇書
2006-11-15 9:59 pm
爭風呷醋一定有, 以前自已獨佔你, 而家要同人分, 梗係驚失寵啦, 我果時養史立沙, 之後西施, 都要抱住史立沙同佢講, 最錫都係佢, 唔會唔要要佢, 西施仲細, 唔識爭寵, 所以你要表明立場錫隻大多d, 食要佢食先, 摸要摸佢先, 抱又要抱佢先, 唔好俾佢覺得小狗有威脅, 佢又唔會整親小狗既, 最多兇下佢, 知道自己地位無受威脅, 咁佢就唔會打小狗架喇! 最多嬲你啫! 你應該兩隻一齊放出黎, 訓都要一齊訓, 等佢地感情好d, 尤其無人陪大狗玩時, 佢就知小狗俾到好多娛樂佢, 你都係想佢地有伴啫
2006-11-15 5:31 pm
其實你可以上去一些牧羊犬的網此, 果度會有好多養狗的人, 有討論區, 會有好多人回應你的.
收錄日期: 2021-04-12 18:48:11
原文連結 [永久失效]:
https://hk.answers.yahoo.com/question/index?qid=20061115000051KK00338