點斬起個波???

斬波並不難，只是你掌握不到的。踢足球，最緊要是多練習。熟就會準。

斬波主要是使用腳趾公內側斬波。

試將足球平面分為９等份，即：

１２３
４５６
７８９

斬高球，有幾高得幾高就是使用腳趾公從方位８以４５度角左右向上踢。
右側球，則以用腳趾公內則從方位８開始拉至方位６，角度大約也是４５度左右。

斬波不難，主要是抄波底（即方位7-9的位置），及角度。
越高角，高度越大。力度越大，距離遠。


補充：
只要事先，想像球的去勢，再想想該射那個位置才能做到。多練習，就能得心應腳。
要個波直射，只要用腳面直射位置５，球就能直線去。

注意技巧：
時常想像足球的九點和角度。每一次出腳之前，都要好好瞄準踢球的位置和角度。


要更準確，可以將足球分成１６等份。



＊此乃本人對斬波的瞄準方法，希望可以幫到你。

斬波同大腳解圍唔同，大腳係有咁遠踢咁遠，所以大部份時間係用正腳背兜波底炒埋去。斬波一係畀波到隊友腳，一係畀位。通常都係望一望自己想斬去邊，然後忍住度力，用腳內側送個波出去，不過唔好落咁多篩，又或者用腳趾公對落少少個位，畢個波出去。因為斬波一般都係過頭波，所以都係踢個皮底，不過無需要掘波底，掘得深個波會高，畀對方守衛大把時間破壞你嘅傳波，同埋波太高隊友無論迎頂或窩利都冇咁好。

係用腳趾公同腳內側之間果舊骨,信我啦,個post我post既,落西果下係睇你隻腳點去嫁姐。都話鈎埋黎就有西，直去咪冇西ｌｏ。只要你隻腳鈎埋黎果下愈大力，個西就愈重。重有，用腳面果ｄ叫射波，唔係斬波，明未?
幾時落西都得。落西最主要係想引個龍門出黎。所以多數應用係角球同傳中



如果你想準d就蹺起隻腳趾公,咁腳面去到腳趾公之間就成一個U型,而腳趾公同腳內側之間果舊骨就響正個U型既中間。咁當你用舊果撞個波既時候,腳趾公同腳面,姐係U型既兩側就會包晒個波。而出波既方向視乎於你舊骨既方向。



其實拉內彎可講係好容易。只要跟正常程序，踢個波底部，之後收腳。重點在於收腳果下，當你斬完波，隻腳應該係向前去既，但若果你出波之後，將腳鈎過去左邊（假設你係右腳），咁你個波自然會有內西嫁喇，因為你收腳既ＬＩ下摩擦個波。而西既程度就睇你鈎埋黎果下有幾大力。罰球方面，你要踢個波偏左既位，之後用腳內側傾摩擦成個波，之後加力鈎，再收腳就得。但係長傳比人既時候就當然要就返個波既落點啦。

斬得高是沒有用架,

最緊要斬得準,

就算我將個波斬到十樓都好,

咁你都o黎又有什麼意思呢?

雖然我唔否認大力沒有用,但最緊要係準


斬波第一樣要學係腳力，如果開角球下下都出盡飲奶力先至斬得到去近柱，咁又點會斬得靚呢？用盡力就冇control喇。所以要有番咁上下腳力。

斬波同大腳解圍唔同，大腳係有咁遠踢咁遠，所以大部份時間係用正腳背兜波底炒埋去。斬波一係畀波到隊友腳，一係畀位。通常都係望一望自己想斬去邊，然後忍住度力，用腳內側送個波出去，不過唔好落咁多篩，又或者用腳趾公對落少少個位，畢個波出去。因為斬波一般都係過頭波，所以都係踢個皮底，不過無需要掘波底，掘得深個波會高，畀對方守衛大把時間破壞你嘅傳波，同埋波太高隊友無論迎頂或窩利都冇咁好。

另一種斬波都係用腳內側，不過係好急勁咁扯埋去，都好有威脅架。當然如果你師承碧根包華，你可以好瀟洒咁用腳外側扯個靚波出去。

話得說回來，上面係理論，睇完不會碧咸上身，你一定要練得多，這就自然好架喇。