公務員申請公屋

如果你太太之前係公屋戶主, 而用公屋換左免息貸款, 理論上唔可以再次以申請人身份申請公屋.
但如果而家你地申請公屋, 申請人係你, 而你太太只係家庭成員, 只要合符公屋申請人同家庭成員資格就可以.
不過你地要計清楚, 你太太賣左層私人樓之後既資產有冇超過房署上限. 你本身係公務員, 要根據公務員公屋配額申請(唔知你係邊個部門, 係唔係任職紀律部隊), 你可以問下你既上司, 又或者向你個部門既福利組織查詢, 呢度有個網頁你亦都可以睇下: http://www.legco.gov.hk/yr96-97/chinese/panels/ps/papers/ps1812-5.htm#9
最直接既方法就係叫你太太去房署問清楚(因為我唔知你太太係唔係公務員), 將你地既實際情況講俾房署知. 另外, 你地可以照一般程序填左申請表同提交資料俾房署, 通常一兩月個就會回覆通知接唔接納你地既申請.

2006-11-21 17:42:48 補充：
希望幫到你!