IPA Course (英文語音)

我在 Prime English 讀過免費一堂同埋而家讀梗國際語音學會的第二堂。

其實我本身有喺英國文化法協會讀梗實用英語課程，雖然英國文化法協會都有音標學，但因為我返星期三同五，音標班又係返星期三同五，同我撞晒堂，又唔想再等一年後先學。所以我都喺網上搵下邊度有音標學，跟住見國際語音學會d學生喺留言板話呢間幾好，而且只不過係八百幾十蚊咪試下。

至於Prime English 嗰一堂，係因為喺報紙上刊登做推廣免費上一堂 ；於是上去睇下又好唔好。而家好後悔浪費咗d時間~

個老師好 hard sales O架，原本報紙刊登只係讀音標班，點知去到不但只不會教音標，還"淺踏"及"批評"香港人英文讀法如何低劣，仲舉d例子比我地，例如：alan個度ｄ老師讀成"丫倫"(大概既音)佢地仲好大聲話在外國冇一個好似我地讀到o甘錯o架~(之後去英國文法協會既老師查詢，最後個答案同我地平時讀法差唔多，真係比佢嚇死。>.<)。而且到最後叫您參加埋其他文法班之類，要您一條龍式去學英文。上完個一堂佢就會 話而家即時報名有優惠遲一日報名交學費，都絶對絶對唔會比優惠您，而且佢地成日強調d人之前上個呢堂但最終冇即時報讀比錢冇咗個優惠，講到d人之後有幾後悔冇去即時報呢個課程。最終經過佢一倫的"淺踏"加上佢d hard sales加氣氛 令我都想去報讀，但佢話我淨係報讀音標班唔夠o架，佢地就會問您點解唔讀其他一條龍式的英語課程，佢地話咁先學到英文喎，我同佢講我本身都梗英文課程所以唔讀，跟住佢地帶d奇異眼光望住您好似淨係讀音標班有罪咁。因為我個日好趕時間，加上佢地又唔收eps，加上佢地攞唔到個張教育處註冊証比我，再加上遲一日報名都會死個隻。於是最後冇報到lu～至於佢地講到遲報一日都會死，絶對絶對絶對唔會有優惠價，結果佢地咪又好住動打嚟，扮比意見調查佢地，最終咪又會比返個優惠我law。當然我去咗老師查証下唔會再信佢地既嘢。所以都係冇報到lu~真係執返身彩~

我覺得一間學校咁 hard sales 成咁都唔好得去邊law。一間好既學校唔係靠hard sales 係靠學生口碑，好似英國文法協會咁，幾時見過喺雅虎大賣廣告，但係都仍然有好多人去報讀呢。同埋我而家明白唔比d人遲d報讀，因為遲d報讀d人會去求証佢地講個堂啱唔啱，如果好似我咁求証過咪知佢地講既嘢係錯law。

而家呢間學校我覺得幾好o架~個老師好攪笑，唔會悶死，佢成日將d發音用英文加中文或者中文加英文去講，會帶出有乜後果，再講點解香港學生英文發音既問題喺邊度。而家學咗 english vowels，佢話遲d會教埋美式英語同英式英語有什麼唔同。同埋佢話個個國家講英文都會有口音同幣病o架啦，仲介紹埋其他國家講英文既幣病~而唔係一路"淺踏"我地香港人講英語既幣病law 好中肯。

我都係喺綱上見到呢d留言先去試下 ，您喺綱上找下就要見到好多留言版都有提及過呢間學校
http://www.learneng.org/forum/viewtopic.php?t=1177&sid=081d4d8e70f4ae0fb00b763a237494f0

加上呢個阿sir 會喺一d中學講講座。而且您打國際語音學會就到好多呢個老師發表既文章。所以我覺得讀得過同埋信得過law。

不過讀英文最終都係靠自己去練，如果唔係邊間都冇用。

加油~努力

國際語音學會 較好 - 因它較全面及有係統.