請教吓我點投資

樓上有人話買銀行股, 當然, 近日吹大陸銀行風, 叫人買大陸銀行股十分正路. 不過, 如果將你所有資金買晒大陸銀行股, 風險實在不輕. 另外, 近日同樣吹緊見頂風, 唔知點解又無人提?!
圖片參考：http://hk.yimg.com/i/icon/16/20.gif

你亦應該自己入yahoo財經, 睇睇d大陸銀行股既歷史波幅, 閒閒地十幾%. 自己睇圖, 如果你響上一個高位入左貨, 要等幾耐先見家鄉? 自己想像一下, 你會否中途按捺不住而賣出, 弄致蝕錢收場?
想像總是美好, 賺錢當然開心, 但亦要諗下另一面. 你蝕幾多會止蝕離場?

股票高風險, 易賺錢, 但一定要日日睇, 做足功課, 要抵受心理壓力, 有高EQ.
另外, 高風險雖可給你高回報的 "機會", 能否把握"機會"賺錢還是蝕錢, 看你付出了多少時間同心力.
其實你純為投資增值, 亦可睇睇基金, 基金回報唔錯, 同你分散投資, 減低風險. 波動較細, 唔使日日睇住勞心. 同埋點都話晒有專家幫你投資, 穩陣d.
大部份基金US$1000已有交易. 介紹你去睇睇HSBC個site
http://www.tools.hsb c.com.hk/script/hk/p ersonal/invest/unit/ search?lang=zh
有埋過往回報, 睇完你自己應該會有idea.
你有$50k可考慮分注買兩三隻基金試下.

你可留意一下歐洲基金, 穩打穩紮. 又可睇睇中國基金, 原因唔使講. 我自己亦有玩金磚四國同資源基金, 不過風險較高, 不可以放下不管.

股票 & 基金我都有玩, 股票我當玩下, 滿足下自己, 基金就真係幫我手賺錢.
自己玩股票玩到嘔心瀝血 (有血有汗!), 睇番record, 其實回報都係高自己d基金 5%度. 如果唔係當玩下, 我未必會再掂股票.

希望我既回答可令你諗真d, 股票係唔係真係咁易賺錢.


圖片參考：http://hk.yimg.com/i/icon/16/14.gif





2006-11-14 22:55:38 補充：
上面條 link 不知何故有 space, 按下面的一條吧:http://www.tools.hsbc.com.hk/script/hk/personal/invest/unit/search?lang=zh

買股票唔係講玩, 有錢都唔可以見人買自己就買, 咁會好大獲, 輸晒都唔知咩事, 我覺得依加會市太高位, 唔應該入貨住, 你可以是下認購一些新股, 不過都要睇業績, 同未來前景, 一定要心時間去睇住個市, 咁先可以賺大錢呀.

買銀行股最穩陣

中國銀行#3988, 落後而且剛染籃, 前景一流