新手創業．／．點開始？

乜都唔識你都想做,其實都幾危險,

除左你問的問題,你知唔知有關鞋的東西?如用料,做法,設計等,睇上去差唔多的鞋,其價錢可能差好遠,你要找d識的人問下,唔係入貨時好易俾人呃

返回你的問題

1. 租金, 裝修, 入貨, 商業登記, 人工, 雜費(如文具,錢機,清潔用品等)

2. 你要開間咁大的鋪都係返大陸入貨平d,在廣州一德路對上有幾條街都係批發鞋的,虎門也有很多,你唔識去再聯絡我

3. 為什麼要找律師?你打算買間公司回來就找律師,自己申請都好方便,又可以慳d錢,去灣仔稅務大樓4樓,商業登記處攪就得,記得帶定2600同身分証

4. 最簡單的裝修由2萬蚊起(未計冷氣機,風閘等),到10幾萬以上都有,要看你的用料及要求,店的間隔也會影響收費,選裝修公司要選有保養的裝修公司,唔好選最平的,一分錢一分貨,太平隨時有手尾要跟,我識得d做開裝修,收費唔貴,手工都幾好的人,你有須要我都可以介紹給你

5. 邊區最好實在好難講,要看你想賣給那一個消費力的市場,如果你想賣貴野,開在深水埗就實死,如果你賣平野,可能深水埗的生意會好過尖沙咀,所以你要先有自己的定位,然後再去選地方

祝你好運

sam