賣水貨會唔會比人拉同埋使唔使攞牌?

賣水貨要有單據証明你的貨品來源正當，否則可能比人話你賣假貨或老鼠貨，咪就煩，例如你要出示外國購入的該貨品單據或發票，但通常你入貨間公司都唔會比你，因為一來佢張單好大批貨，有外國貨品來源地址，印比你咪比你知佢去邊度入貨？唔會咁蠢。
第二唔想比行貨d人知道佢哋，因為雖然話水貨唔犯法，但正行一定想杜絕，會有些其他方法如去海關報串話你是假貨，等海關上去就一齊跟上去，目的不是要沒收你批貨，是找方法知你貨源，再施壓比外國廠商杜絕外國比貨你嗰間公司，斷你入貨來源等。
所以擺街你話是水貨，其實買d人都會當假貨算(我心態都是)，啱就會買。海關唔會主動拉，但正行有何行動就唔知。
除非你有舖，咁會好d，d人會覺有事可以找到你跟進等。
賣水貨因為唔算犯法所以唔會特別要領什麼牌，其實只是正行會用方法打壓你啫，我知道有些同行攞貨的零售商有時都會拿些水貨混在一起賣，不過唔會比正行知咁解啫，知道就會取消你戶口唔比貨你。