買二手車既時間要注意d咩?

睇車前的準備 　
帶電筒(查看車身暗角)，紙巾(抹手)，紙筆(記錄引擎車架號碼)。
如果有識車朋友一起幫眼當然更好。

金錢預算 　
完整的費用預算包括車價 + (牌費) + 保險 + (轉名費) + 維修替換 + 補品 + 月租停車場
括弧代表視乎向車行購買還是私人交易。
要快樂安全地享受駕駛，除了付出車價之外，還一定要預留金錢作維修之用。不論任何車種或新車舊車，都各有需要用錢的地方。
隨著車價的提升，防盜設備也要選用一些更高級的貨色。

向車行或私人買車的利與弊 　
購買二手車，車行的定價普遍較私人買賣昂貴，因為他們需要支付營運成本和責任保證。但向有信譽的車行買車較有信心保證，起碼架車有事都會有人跟，也享有售後保養服務。
相反私人買賣，講得難聽點是過了海便是神仙。遇著不老實的車主，賣車前天花龍鳳，收錢後睬你有味！買家要打醒精神，金睛火眼。如果俾人搵笨，真係番轉頭搵舊車主，盞俾佢恥笑到肚痛。
但如果對車有一定的認識，私人買賣未嘗不是一個很好玩的尋寶遊戲。當然有些車主會一廂情願地定出超高脫節的[割愛價]，但也有一些真心想賣車的人，肯接受一個稍低的價錢便出售。

2006-11-17 14:37:35 補充：
確定新車主已經出o左臨時保單，運輸署先俾過戶。如果舊車主真係唔得閒去過戶，要肯定牌薄上已經簽0左名。所以買賣雙方事前要議定每個程序，作好協議。個人經驗，私人買賣好講雙方投契程度，有無一見如故。如果信唔過對方，通常我都不作考慮。所以唔係淨係睇車，還要睇埋個人。如果架車有上會，牌薄會由財務公司保存。車主需要在賣車前，通知財務公司。例如先補錢贖車，拿番牌薄先賣車。如果冇錢贖車，咁就要新車主肯續供，或者準車主把車款直接付予財務公司。由於牽涉到財務公司有額外行政工作，徵收手續費不足為奇。

2006-11-17 14:55:13 補充：
在外國一些國家, 買賣二手車需要 RWC (Roadworthy Certificate). 意指舊車主需要在賣車時去指定的 workshop 作 inspection 的證明. 沒有RWC就不能轉讓. 這就知道二手車有沒有 be inspected!

唔好買二手車,就唔洗check