我想煲粉葛, 赤小豆湯呀, 請問要煲幾耐架? 呢個湯係咪會去濕呢?

係呀....赤小豆係去濕嫁!!!
如果加埋扁豆仲去濕!!
粉葛係去火嫁.....不過如果火太勁會將佢谷晒出黎.......
咁就有可能會牙痛囉!!!
但唔加生魚就冇咁勁嫁喇~~
大約煲3個鐘到得la.....如果D豆未軟就要再煲多陣啦!!!

呢個湯降火係最好，用真空煲煲個幾兩個鍾就已經好夠火候。
如果想煲去濕湯不如我介紹另一款俾你，呢款仲去濕呀。
冬瓜薏米赤小豆煲老鴨湯
材料：鴨半隻[切件]、生熟薏米各一両[洗淨]，赤小豆一両[洗淨]、陳皮一角[浸軟括囊]、冬瓜兩斤[連皮切件]及西斯骨十両[洗淨凼水]。
煮法：燒大半煲水將所有材料放落去煲[用真空煲都係煲個幾兩個鍾就OK]，最後落鹽調味即可。
注意：冬瓜連皮連核煲，去濕功效更好。

希望可以解答到您嘅問題啦。Thanks.

如果用真空煲, 要煲約45分鐘就ok啦, 記住要加鯪魚, 扁豆和蜜早一齊煲, 湯才會更甜, 更去濕.