如何用丹田運氣!?

丹田即橫隔膜,用丹田比用肺部運氣要好,因為覆蓋位置更多,根基更深,運氣時support更大.

要練習用丹田呼吸,最簡單易明的指標就是你呼吸時橫隔膜(即肚的位置)是脹大還是縮起.
一般人吸氣時,肚會縮起,證明是用肺部呼吸.而吸氣時脹出,就是用丹田氣.

開始練習時可能比較難控制,但假以時日,不單唱歌時,連平時慣常的呼吸形式都是用丹田就最理想.如想知道到底吸氣時橫隔膜脹出是怎麼一個狀態的話,可以試平躺於床上,所有人平躺時都是用橫隔膜呼吸的.

到呼吸得比較順暢之後,可以練習在吸氣時(即肚脹出之後)用手掌按肚,施加壓力,而肚皮同時與之抗衡,口中慢慢吐氣,這可訓練氣量及唱高音時的support.

此仍少少經驗之談,希望幫到你.Enjoy singing!

2006-11-13 16:46:38 補充：
首先，唱歌分真音同假音，要唱得好，就要把兩種聲音融合。真音即是用講野把聲唱歌，喉嚨震動最多，係人都識。假音是平時講野我們不會用到的，頭頂同鼻樑，或者胸口震動最多。要唱假音，首先張開口，注意要上下張開，不是左右。測試辦法：提手指放在耳朵前面，如開口正確，牙較會打開，你會摸到有個窿。之後，舌頭要放平，舌尖掂住下要的牙。再配合丹田運氣，用力把氣推出，就會好容易唱到高音。

2006-11-13 16:46:59 補充：
要把音域擴闊，我們必須要熟習假聲運用。我們會用 head tone 去唱高音，感覺有點像鬼叫，不過要實淨，會感到鼻樑同頭頂震蕩，最好每日抽時間（建議沖緊涼時）練習，唱d r m f s ， s f m r d 等簡單句子，不斷升key ，到唱唔到為止。不過唔好勉強，否則會傷到把聲。每日唱幾次，日子有功，音就會越唱越高。低音應該用chest voice ，會感到胸口震蕩，越唱得低就要越放鬆，都係要每日練習。音域唔係幾日之間可以擴闊，要有恆心，日日練，日子有功便有進步。歌一定要日日練，唔係每日都會有進步，但一日唔練就會退步。

2006-11-13 16:47:23 補充：
要用丹田唱歌，無返三四年功力都唔可以運用自如。最簡單是訓在床上呼吸，那時就一定用丹田呼吸，個肚可以變得好漲。你明白個感覺之後，就要習慣平時都用丹田呼吸。日子有功，你就會唔知點用返個肺呼吸，咁就掂喇。香港其實都有好多歌手識用丹田，例如有側田，

2006-11-13 16:47:31 補充：
但宜家的流行曲難道較低，我只能數出側田的歌較著重丹田運氣，Twins就是反面教材，她們只用喉嚨聲，所以唱唔到現場。以前一輩較重實力，歌曲也較難，我個人推介張偉文，他是當中的表表者。用假音我推介古巨基加側田，綜合而言，入門者可選聽側田和各方面都有相當實力的張學友，而鄭中基都不錯，不過唔好聽佢D笑片主題曲，最好選擇他的情歌，他演譯得得細膩，他舊一點的歌會比較好，因為難度高，當時的他仍未以搞笑作形象，歌曲多以他擅長的悲歌為主，那種純悲慘的感覺他演譯得非常有味道。

2006-11-13 16:47:43 補充：
唱歌小貼士：1. 有足夠的睡眠2. 避免大叫，否則傷聲3. 量力而為，別勉強去唱未能唱到的音域，要循序漸進，否則會爆音同傷聲4. 唔好嗌歌，會爛聲（永久傷害）5. 唱適合自己音域的歌6. 唔好吃刺激性食物7. 唱歌前幾日開始唔好吃甜的東西，否則惹痰8. 唱歌前可吃香口膠，增加口水分泌，唱歌時就唔會咁口乾9. 唱歌前可吃檸檬片，有助開聲10. 飲多D水11. 唱歌前必須開聲

2006-11-13 16:48:04 補充：
唱歌要好聽有技巧之餘，仲要有感情，無得教，要多聽別人的歌自己慢慢領略。 綜合我之前曾回答多人唱歌問題的答案，當中有拿過「最佳答案」唱歌要留意字的讀音，因為歌詞在一首歌裡面佔好重要的地位，讀錯會好扣分嫁。好似容祖兒在《我的驕傲》中把「閃爍」讀成「閃礫」，比好多中文老師用左來做教讀音的反面教材，真係夠哂「驕傲」啦！