✔ 最佳答案
請問你為乜而想分開?為左你唔愛佢?咁你點解唔愛佢?為左佢O既內向?
雖然一家唔知一家事, 但我想同你講, 你好幸福, 因為你搵到一個愛你o既人。
如果你係為左無激情或以上我o既問題而分開, 咁我想話比你知, 你呢個諗法有d問題，我同我老公加埋拍拖都有十四年(我二十八歲), 我地有個仔, 我地大家都係好火爆o既人, 而佢鍾意打機, 我就鍾意打麻雀, 佢唔鍾意陪我d朋友, 以前亦唔會講甜言蜜語(但而家比我訓練過就好d)。曾經有三年, 佢要返夜, 我個仔比人湊, 每晚我地見面一小時到, 仲要係佢剛訓醒同食飯時間, 我每晚都自己係屋企, 我地都出現左好多問題(無陪我、唔氹我、唔理我、無甜言蜜語、唔關心我同個仔....), 我地可以為左好少野都嘈, 可以幾日唔傾偈, 我由日日喊變到可以照去打麻雀唔理佢, 之後我仲以為我唔再愛佢,試過分開, 但分開後就會發現,原來有d野係唔可以代替, 我會慢慢諗番佢o既好,發現原來佢對自己都唔差,好後悔, 好彩之後我地都可以係番埋一齊, 大家去改變, 大家去容忍, 大家去傾, 而家我地比以前更恩愛, 更幸福, 我個仔都好開心
我知你地有溝通, 但有無去改呢?有無試下企係佢立場諗下呢?佢唔識氹你, 你咪自己氹佢先囉, 佢唔帶你去d浪漫地方, 你咪自己帶佢去囉, 慢慢佢就會知道你原來係鍾意呢d野, 咁佢就會改架啦。
你出去你d幸福就一定有架, 咁易就唔會多人離婚啦?
曾經有個朋友同我講(我想分開時) , 佢問我覺得我老公值多少分(十分滿分),我諗完話都有8.5分o既, 佢就話有8.5分仲想點呀?人係無十全十美架,你放棄佢, 第二時未必搵到個有8.5分或以上o既人架
另一個朋友講, "愛唔係用個口去講, 係用行動黎証明架!"(你老公可能就係咁o既人)
其實以上都係我自己o既諗法, 當然有好多野我唔知, 所以請你自己再衡量, 但我真係唔想你第二時後悔, 加上對你d女又無好處
