到底係點呀!!!愛錯了嗎

其實唔一定係只貪你錢既...
因為佢可能心入面仲有第二個人呢...

唔知你識o左個女仔幾耐呢？同埋你o地幾大呢？個女仔拍拖經驗多唔多？
其實都好難講佢係因為咩動機先同你出街。
一個人會想保護自己，所以唔會即刻話一齊，會睇定d先，即使你對人有意思都係咁。
我唔會排除佢係咪想試你個誠意。
至於俾飯錢，係你主動話俾哂定係個女仔要求？
如果係個女仔要求，我覺得好無理...因為冇理由要你俾埋佢朋友o個份o既。
如果真係個女仔要求，我會話佢係想拎著數居多啦。
不過，就算係你主動要求話俾哂錢，佢個朋友都冇出聲咩？
真係大安旨意等你俾錢ar？
如果係咁，一係佢個fd有問題，一係佢叫佢個fd咁做拎著數啦。
講真，你都想有多個人對自己好o架。
我唔排除佢係咁諗所以拖住你囉。
但由於詳細情況我o地唔會清楚，所以都唔可以俾到d咩意見你。
你唯有從食飯你俾錢o個件事慢慢再諗下啦。
我個人認為佢拖延住你個機會會大d，未必係真心，
因為要拒絕拖手又有幾難o丫......

唔一定既,日久見人心,好快你就會知道個女仔係咪個好人

向好o個方面諗，佢可能o係度試深梗你o既誠意。

如果佢對你一o的好感都冇，佢一定唔會同你出街，費事眼怨。

我建議你可以繼續付出多一段時間，你可以set一個月、半年之類，又或者一直付出到你認為唔值得再付出為止。

如果你因為出一兩次街畀晒錢，而佢又唔表態好似玩你，你覺得好蝕底的話，咁你就鐘意佢多極有個譜。

愛情呢味o野，從來都係一個願打一個願捱。畀心機啦老友！